Aaditya Thackeray PC: “१०० वर्षांपूर्वी कोण योग्य किंवा अयोग्य होतं यावर…”, राहुल गांधींच्या वक्तव्यावर आदित्य ठाकरेंनी मांडली भूमिका!

काय म्हणाले होते राहुल गांधी?

राहुल गांधींच्या नेतृत्वाखाली चालू असलेल्या भारत जोडो यात्रेमध्ये हिंगोलीतील सभेत बोलताना राहुल गांधींनी स्वातंत्र्यवीर सावरकरांविषयी केलेल्या वक्तव्यावरून राजकीय वाद चालू आहे. सावरकरांनी ब्रिटिशांची माफी मागितली होती. काँग्रेसच्या विरोधात त्यांनी ब्रिटिशांना मदत केली होती. तसेच, त्यांनी ब्रिटिशांकडून पेन्शन घेतली होती, असं राहुल गांधी म्हणाले होते. हा स्वातंत्र्यवीर सावरकरांचा अपमान असल्याची टीका भाजपा आणि मनसेकडून केली जात आहे. या पार्श्वभूमीवर राहुल गांधींवर टीका होत असताना आदित्य ठाकरेंनी भारत जोडो यात्रेमध्ये उपस्थिती लावल्यामुळे तेही टीकेच्या केंद्रस्थानी आले होते.

आणखी वाचा

Uddhav Thackeray : “जरा डोक्याला ब्राह्मी तेल लावा, मग…”, उद्धव ठाकरेंची अमित शाह यांच्यावर बोचरी टीका

Nana Patole : निकालाआधी राजकीय घडामोडींना वेग; यातच…

Uddhav Thackeray : “राज ठाकरेंशी युती करणं शक्यच नाही, महाराष्ट्र द्रोही..”, उद्धव ठाकरेंचं वक्तव्य

Aaditya Thackeray: “मला RSS ला प्रश्न विचारायचा आहे की..”, आदित्य ठाकरेंचा सवाल; भाजपाच्या सत्तेतील वाट्याचं मांडलं गणित!

Uddhav Thackeray : उद्धव ठाकरेंची खोचक शब्दांत टीका, “महायुतीला मत म्हणजे गुजरातला मत, कारण..”

Raj Thackeray : “मोरारजींनंतर राज ठाकरेच, त्यांच्या म्हणण्याला किंमत नाही”; संजय राऊतांची बोचरी टीका!

Raj Thackeray : राज ठाकरेंनी सुनावलं, “उद्धव आजारी झाला होता तेव्हा कार घेऊन सर्वात आधी..”

पाहा व्हिडीओ –

“राहुल गांधी सत्यच बोलले, एकेकाळी सावरकर…”; महात्मा गांधींचे पणतू तुषार गांधींनी केली पाठराखण!

दरम्यान, या सर्व वादावर आदित्य ठाकरेंनी प्रतिक्रिया दिली आहे. पत्रकारांनी यासंदर्भात विचारणा केली असता आदित्य ठाकरेंनी आजच्या स्थितीवरही भांडण्याचं आवाहन राजकीय पक्षांना केलं आहे. “उद्धव ठाकरे आणि संजय राऊतांनी याबाबतीत भूमिका स्पष्टपणे मांडली आहे. त्यांच्या भूमिकेशी मीही सहमत आहे. पण सध्याच्या स्थितीसाठीही राष्ट्रीय पक्षांनी भांडायला पाहिजे. आपण सगळे ५० वर्षांपूर्वी किंवा १०० वर्षांपूर्वी कोण योग्य आणि कोण अयोग्य होतं, यावर भांडायला लागलो, तर भविष्यासाठी कोण भांडणार आणि आत्ताच्या स्थितीसाठी कोण भांडणार?” असं आदित्य ठाकरे म्हणाले.

काय म्हणाले होते संजय राऊत?

दरम्यान, यासंदर्भात माध्यमांशी बोलताना संजय राऊतांनी ठाकरे गटाची भूमिका स्पष्ट केली होती. “उद्धव ठाकरेंनीही याबाबत शिवसेनेची भूमिका स्पष्ट केली आहे. स्वातंत्र्यवीर सावरकरांविषयी आम्हा सगळ्यांच्याच मनात प्रचंड आदर आणि प्रेमाची भावना आहे. त्यामुळे राहुल गांधींनी यासंदर्भात मांडलेल्या भूमिकेशी आम्ही सहमत नाही. भारत जोडो यात्रेच्या अजेंड्यावर हा मुद्दा नसताना मध्येच सावरकरांचा विषय कुठून आला?” असा सवालही संजय राऊतांनी उपस्थित केला होता. यासंदर्भात आज आदित्य ठाकरेंनीही त्यांची भूमिका मांडली आहे.