शिवसेनेचे खासदार संजय राऊत यांनी ठाण्यातील बिल्डर सुरज परमार आत्महत्याप्रकरणी गंभीर आरोप केले आहेत. तसेच परमार आत्महत्येप्रकरणी एसआयटी नेमण्याची मागणी केली. “ठाण्यातील एक बिल्डर सुरज परमार यांच्या आत्महत्येनंतर जी डायरी सापडली त्या डायरीत सांकेतिक नावं आहेत. ती नावं कोणाची आहेत ती आम्हाला माहिती आहेत,” असं सूचक वक्तव्य करत त्यांनी मुख्यमंत्री एकनाथ शिंदेंवर निशाणा साधला. ते रविवारी (२५ डिसेंबर) माध्यमांना दिलेल्या प्रतिक्रियेत बोलत होते.
संजय राऊत म्हणाले, “आमचे खासदार अरविंद सावंत यांनी एक विषय मांडला. ठाण्यातील एक बिल्डर सुरज परमार यांच्या आत्महत्येनंतर जी डायरी सापडली त्या डायरीत सांकेतिक नावं आहेत. ती नावं कोणाची आहेत ती आम्हाला माहिती आहेत. लावा त्यांच्याविरोधात एसआयटी चौकशी. राज्यपालांनी छत्रपती शिवाजी महाराजांचा अपमान केला आहे आणि भाजपा त्यांना पाठीशी घालत आहे. लावा चौकशी, करा एसआयटी.”
“सुरज परमार यांच्या डायरीवर एसआयटी स्थापन करा”
“राज्यपालांनी महाराष्ट्रात येऊन महाराष्ट्रातील महापुरुषांच्या अपमानाच्या वक्तव्यांची एक मालिकाच चालवली आहे. असं होऊनही भगतसिंह कोश्यारी राज्यपालपदावर बसून आहेत आणि भाजपा त्यांचं भजन गात आहे. हा काय प्रकार आहे? एसआयटी यावरच स्थापन झाली पाहिजे. एसआयटी सुरज परमार यांच्या डायरीवर स्थापन झाली पाहिजे.मात्र, ते तसं करत नाहीत. ते विरोधीपक्षांवर एसआयटी लावत आहेत. इतकं सुडबुद्धीने वागणारं सरकार महाराष्ट्राच्या इतिहासात कधीच आलं नव्हतं,” असं मत संजय राऊत यांनी व्यक्त केलं.
“जे खोके वाटले आहेत ते वसूल करण्यासाठी हे सरकार…”
संजय राऊत पुढे म्हणाले, “अधिवेशनात सर्वसामान्यांचे प्रश्न मांडले गेले नाहीत. त्यासाठी राजकीय इच्छाशक्ती असावी लागते. हे सरकार केवळ खोके गोळा करण्यासाठी आले आहे. जे खोके वाटले आहेत ते वसूल करण्यासाठी हे सरकार आलं आहे. हे जनतेच्या प्रश्नावर किंवा महाराष्ट्राच्या अस्मितेच्या प्रश्नावर सरकार स्थापन झालं नाही. फक्त शिवसेना फोडायची, शिवसेना संपवायची, महाराष्ट्राचा स्वाभिमान नष्ट करायचा याच अजेंड्यावर हे सरकार आलं आहे.”
“…तर उद्धव ठाकरेंचं सरकार गेलंच नसतं”
“सरकार जनतेच्या प्रश्नावर चाललं असतं, तर उद्धव ठाकरेंचं सरकार गेलंच नसतं. ते जनतेच्या प्रश्नावर काम करणारं सरकार होतं,” असंही संजय राऊतांनी नमूद केलं.
संजय राऊत म्हणाले, “आमचे खासदार अरविंद सावंत यांनी एक विषय मांडला. ठाण्यातील एक बिल्डर सुरज परमार यांच्या आत्महत्येनंतर जी डायरी सापडली त्या डायरीत सांकेतिक नावं आहेत. ती नावं कोणाची आहेत ती आम्हाला माहिती आहेत. लावा त्यांच्याविरोधात एसआयटी चौकशी. राज्यपालांनी छत्रपती शिवाजी महाराजांचा अपमान केला आहे आणि भाजपा त्यांना पाठीशी घालत आहे. लावा चौकशी, करा एसआयटी.”
“सुरज परमार यांच्या डायरीवर एसआयटी स्थापन करा”
“राज्यपालांनी महाराष्ट्रात येऊन महाराष्ट्रातील महापुरुषांच्या अपमानाच्या वक्तव्यांची एक मालिकाच चालवली आहे. असं होऊनही भगतसिंह कोश्यारी राज्यपालपदावर बसून आहेत आणि भाजपा त्यांचं भजन गात आहे. हा काय प्रकार आहे? एसआयटी यावरच स्थापन झाली पाहिजे. एसआयटी सुरज परमार यांच्या डायरीवर स्थापन झाली पाहिजे.मात्र, ते तसं करत नाहीत. ते विरोधीपक्षांवर एसआयटी लावत आहेत. इतकं सुडबुद्धीने वागणारं सरकार महाराष्ट्राच्या इतिहासात कधीच आलं नव्हतं,” असं मत संजय राऊत यांनी व्यक्त केलं.
“जे खोके वाटले आहेत ते वसूल करण्यासाठी हे सरकार…”
संजय राऊत पुढे म्हणाले, “अधिवेशनात सर्वसामान्यांचे प्रश्न मांडले गेले नाहीत. त्यासाठी राजकीय इच्छाशक्ती असावी लागते. हे सरकार केवळ खोके गोळा करण्यासाठी आले आहे. जे खोके वाटले आहेत ते वसूल करण्यासाठी हे सरकार आलं आहे. हे जनतेच्या प्रश्नावर किंवा महाराष्ट्राच्या अस्मितेच्या प्रश्नावर सरकार स्थापन झालं नाही. फक्त शिवसेना फोडायची, शिवसेना संपवायची, महाराष्ट्राचा स्वाभिमान नष्ट करायचा याच अजेंड्यावर हे सरकार आलं आहे.”
“…तर उद्धव ठाकरेंचं सरकार गेलंच नसतं”
“सरकार जनतेच्या प्रश्नावर चाललं असतं, तर उद्धव ठाकरेंचं सरकार गेलंच नसतं. ते जनतेच्या प्रश्नावर काम करणारं सरकार होतं,” असंही संजय राऊतांनी नमूद केलं.
