Sanjay Raut : “मोदींनी मागितलेली माफी राजकीय”, ठाकरे गटाच्या नेत्याचा हल्लाबोल; म्हणाले, “निवडणूक डोळ्यासमोर ठेवून…”

संजय राऊत काय म्हणाले?

“पंतप्रधान नरेंद्र मोदी काल महाराष्ट्रात आले होते. वाढवण बंदराच्या भूमिपूजनाचा कार्यक्रम होता. त्यावेळी तिकडच्या कोळी आणि आदिवासी बांधवांनी त्यांना काळे झेंडे दाखवले. ‘मोदी परत जा’, अशा घोषणाही आदिवासी बांधवांनी दिल्या. छत्रपती शिवाजी महाराजांचा राजकोट किल्ल्यावरील पुतळा कोसळल्यानंतर महाराष्ट्रात संताप उसळला हे पाहून आपण जर माफी मागितली नाही तर महाराष्ट्रात भविष्यात मोठ्या संतापाला तोंड द्यावं लागेल. त्यामुळे पंतप्रधान नरेंद्र मोदींनी राजकीय माफी मागितली”, अशी टीका खासदार संजय राऊत यांनी केली.

आणखी वाचा

Uddhav Thackeray: “पंकजाताई मुंडे तुझे धन्यवाद…”, उद्धव ठाकरेंनी केलं कौतुक; म्हणाले, ‘तुम्ही महाराष्ट्राच्या डोळ्यावरची पट्टी काढली’

महायुतीला सत्ता मिळाली, लाडक्या बहिणींना २१०० रुपये कधीपासून…

“…अन् प्रियांका गांधींनी भाजपाचे दात घशात घातले”, पंतप्रधान मोदींच्या ‘त्या’ आव्हानाला उद्धव ठाकरेंचं प्रत्युत्तर

काँग्रेसबरोबर युती करण्यावरून राज ठाकरेंची पुन्हा उद्धव ठाकरेंवर सडकून टीका; म्हणाले, “मी, माझा स्वार्थ, माझी खुर्ची अन्…”

“शरद पवारांचं आयुष्य भूमिका बदलण्यात गेलं”, राज ठाकरेंची सडकून टीका; रिफायनरीच्या मुद्द्यावरून उद्धव ठाकरेंनाही केलं लक्ष्य, म्हणाले…

उद्धव ठाकरेंनी अमित ठाकरेंविरोधात उमेदवार का दिला? राऊतांनी सांगितलं कारण?

Uddhav Thackeray : उद्धव ठाकरेंची खोचक शब्दांत टीका, “महायुतीला मत म्हणजे गुजरातला मत, कारण..”

हेही वाचा : Narendra Modi : “सावरकरांचा अपमान करणाऱ्यांनी माफी मागितली का?”, पंतप्रधान मोदींचा काँग्रेसवर जोरदार हल्लाबोल

“पंतप्रधान नरेंद्र मोदी यांनी मागितलेली माफी ही राजकीय माफी आहे. आगामी विधानसभेची निवडणूक डोळ्यासमोर ठेवून माफी मागितलेली बरी म्हणून त्यांनी माफी मागितली. पण माफी मागून प्रश्न सुटत असतील तर माफी मागून टाका, असा सल्ला त्यांना राज्यातील काही नेत्यांनी दिला असेल. या संकटातून सुटका करण्यासाठी त्यांनी माफी मागितली. मात्र, त्यांच्या माफीमुळे प्रश्न सुटत नाहीत. पंतप्रधान मोदींनी त्यांचं काम केलं असलं तरी महाराष्ट्र देखील महाराष्ट्राचं काम करेल”, असा इशाराही संजय राऊत यांनी दिला.

“पंतप्रधान मोदींनी माफी मागितली असली तर उद्यापासून राज्यभरात जोडे मारो आंदोलनात कोणताही बदल होणार नाही. उद्धव ठाकरे, नाना पटोले यांच्यासह महाविकास आघाडीतील सर्व घटक एकत्र येत जोडे मारो आंदोलन करणार आहेत. पंतप्रधान नरेंद्र मोदी यांना खरंच जर गांभीर्य असतं तर पुलवामामध्ये ज्यावेळी हल्ला झाला होता, तेव्हाही त्यांनी माफी मागितली असती. मात्र, प्रत्येकवेळी पंतप्रधान मोदी निवडणुका डोळ्यासमोर ठेवून कृती करतात”, अशी टीकाही संजय राऊत यांनी केली.

पंतप्रधान नरेंद्र मोदी काय होते?

“सिंधुदुर्ग जिल्ह्यातील राजकोट किल्ल्यावर काही दिवसांपूर्वी जे काही घडलं ते दुर्दैवी आहे. छत्रपती शिवाजी महाराज आपल्यासाठी आराध्य दैवत आहेत. त्यामुळे मी छत्रपती शिवाजी महाराज यांची त्यांच्या चरणांवर डोकं ठेवून माफी मागतो”, असं म्हणत पंतप्रधान मोदी यांनी मालवणच्या राजकोट किल्ल्यावरील छत्रपती शिवाजी महाराजांचा पुतळा कोसळल्याप्रकरणी माफी मागितली.