जालना : जिल्ह्यातील अंतरवाली सराटी येथे मराठा आंदोलकांवरील अमानुष लाठीमाराच्या निषेधार्थ बुधवारी इचलकरंजी बंदला सकाळपासून सुरुवात झाली. काल कोल्हापुरात सकल मराठा समाजातर्फे कडकडीत बंद पाळण्यात आल्यानंतर आता जिल्ह्यातील दुसरी महापालिका असलेल्या इचलकरंजी या औद्योगिक शहरातील बंदलाही प्रतिसाद मिळाला. मराठा समाजाने दिलेल्या हाकेला व्यापारी, व्यावसायिक, उद्योजकांनी प्रतिसाद दिला.
शहरात मराठा संघटनांकडून शहर बंदची हाक देण्यात आली होती. या बंदला सांगली शहररात जोरदार प्रतिसाद मिळाला. सनदशीर मार्गाने सर्व संघटनांकडून मारहाणीचा निषेध व्यक्त केला गेला. अत्यावश्यक सेवा वगळून इचलकरंजी बंद ठेवण्याचा निर्णय घेतला आहे. दुकाने, व्यापार-व्यवसाय बंद राहिल्याने नेहमीच्या गजबजलेल्या ठिकाणी वर्दळ नसल्याने शांतता होती. औषध दुकाने सुरू होती.
हेही वाचा – Petrol-Diesel Price on 6 September: आज राज्यात पेट्रोल-डिझेलचा दर किती? जाणून घ्या
कार्यकर्ते रस्त्यावर
बंदला प्रतिसाद मिळावा याकरिता सकल मराठा समाजाचे कार्यकर्ते तसेच त्यांना पाठिंबा देणाऱ्या अन्य समाजाचे कार्यकर्ते बुधवारी सकाळपासून रस्त्यावर उतरले होते. त्यांनी दुचाकीवरून रॅली काढून दुकाने व्यवहार बंद ठेवण्याचे आवाहन केले. आधीच सर्व दुकाने बंद होती. काही किरकोळ लोकांनी सुरू होती तीही या रॅलीनंतर बंद करण्यात आली. शहरातील मुख्य मार्ग, नारायण पेठ, सरस्वती मार्केट येथील व्यवहार पूर्णतः बंद होते.
एसटी बंद
दरम्यान कार्यकर्त्यांनी शहरातील मुख्य बसस्थानकामध्ये प्रवेश केला. त्यांनी एसटी वाहतूक बंद ठेवावी, असे आवाहन केले. त्यानंतर सुरू असणारी सर्व एसटी वाहतूक बंद झाली. प्रवाशांना पर्यायी वाहनांचा शोध घ्यावा लागला.
