सातारा : अकरा लाख रुपये किंमतीची चांदी चोरीला

तळंदगे (ता. हातकणंगले जि. कोल्हापूर ) येथून ट्रॅव्हल्समधून कोल्हापूरहून पुण्याला निघालेले विजय रघुनाथ चोपडे (वय ४३) हे २५ किलो चांदीचे दागिने घेऊन जात होते. सकाळी सदर ट्रॅव्हल्स नाष्ट्यासाठी हॉटेलसमोर थांबलेली होती. सर्व प्रवाशांप्रमाणे फिर्यादी विजय चोपडे हेसुद्धा नाष्ट्यासाठी हॉटेलमध्ये गेले होते. त्यावेळी त्यांनी पिशवी बसलेल्या खुर्ची शेजारीच ठेवली होती. ते जेव्हा नाष्टा करून परत बसमध्ये आले तेव्हा ती पिशवी त्यांना आढळून आली नाही.

हेही वाचा – “…अन् आता टीकोजी राव फणा काढून बसले”; शिंदे-फडणवीसांच्या अयोध्या दौऱ्यावरून उद्धव ठाकरेंचा घणाघात!

बसमधून प्रवास करणाऱ्या प्रवाशांच्याकडे चौकशी केली व त्यानंतर त्यांनी भुईंज पोलिसात तकार दाखल केली. चोरीस गेलेल्या पिशवीमध्ये २५ किलो चांदीचे लहान मुलांचे व महिलांचे पैंजन दागिने होते ज्यांची किंमत ११ लाख ६४ हजार इतकी असून, ते पुणे येथे आपल्या जावयाकडे घेऊन निघाले होते. याची नोंद भुईंज पोलिसात झालेली असून, पुढील तपास सहायक पोलीस निरीक्षक रमेश गर्जे यांच्या मार्गदर्शनाखाली पोलीस उपनिरीक्षक रनदीप भंडारे करीत आहेत.