सिंधुदुर्ग : पती पत्नी वादातून नवऱ्याने तीन मुलांसह स्वतःवर पेट्रोल ओतून ठार मरण्याचा केला प्रयत्न

हा प्रकार मंगळवारी रात्री दहा वाजण्याच्या सुमारास सावंतवाडी बाजारपेठेतील वसंत प्लाझा कॉम्प्लेक्स मधील कापड दुकानात घडला. पोलिसांकडून मिळालेल्या माहितीनुसार अटक केलेला हुसेन गडीयाली याचे बाजारपेठेतील वसंत प्लाझा कॉम्प्लेक्स येथे कपड्याचे दुकान आहे. पती व पत्नी यांचे घटस्फोट प्रकरण न्यायप्रविष्ट आहे. दररोजप्रमाणे गडीयाली याने आपले दुकान उघडले. त्यावेळी त्याची पत्नी आपल्या तिन्ही मुलांना घेऊन दुकानात आली. रात्री हुसेन गडीयाली हे दुकान बंद करण्यासाठी दुकानाचे शटर बंद करीत असताना पत्नी हिने आपण घरी जाणार नाही. मी दुकानातच राहणार आहे. असे सांगत राहिली. या कारणावरून दोघांमध्ये बाचाबाची सुरू झाली. तू दुकानातून घरी जा, तू घरी गेली नाहीस तर तुला व मुलांना मारून टाकीन व स्वतःला संपवून घेईन अशी धमकी त्याने दिली.

आणखी वाचा

पुणे: खडकीत दोघा तरुणांवर कोयत्याने वार

Chastity Belt: योनी शुचिता पट्ट्याचा इतिहास आणि त्यामागील…

सीएसएमटी अपघात : सीसीटीव्हीच्या तपासणीनंतर अखेर अपघातातील आरोपी सापडला

मित्रांबरोबर गेला, दुसऱ्या दिवशी मृतदेह सापडला; प्रसिद्ध अभिनेत्रीच्या १४ वर्षीय मुलाचा दुर्दैवी अंत

“…म्हणून माझ्यावर ही वेळ आली का?” मयत सरपंच संतोष देशमुखांच्या आईचा टाहो; पत्नी म्हणाली, “ते १५ वर्षांपासून..”

“मर्द को भी दर्द होता है!” आत्महत्येआधीचा अतुलचा तासभराचा ‘तो’ व्हिडिओ व्हायरल; पत्नी आणि सासरच्यांवर गंभीर आरोप

सतीश वाघ हत्या प्रकरण : आरोपींच्या शोधासाठी पुणे पोलिसांची १६ पथके रवाना

मृत्यूनंतरही परवड थांबली नाही, पार्थिव रुग्णालयात नेताना महिलेच्या गळ्यातील गंठण चोरीला

हेही वाचा – माझी लाडकी बहीण योजना कोणी माईचा लाल आला तरीही बंद पडणार नाही – मुख्यमंत्री एकनाथ शिंदे

या प्रकाराने कॉम्प्लेक्समधील दुकानदारांसह नागरिकांनी गर्दी केली. यावेळी हुसेन गडीयाली याने रागाच्या भरात पेट्रोल पंपावर जाऊन बाटलीतून आणलेले पेट्रोल आपल्यासह तिन्ही मुलांच्या अंगावर ओतले. त्यात एका चार वर्षांच्या मुलाच्या नाक व तोंडात पेट्रोल गेले. या तिन्ही मुलांचे वय सुमारे चार, सात, व दहा वर्षे आहे. या घटनेची माहिती जागरूक नागरिकांनी पोलिसांना दिली. पोलिसांनी घटनास्थळी धाव घेत हुसेन गडीयाली याला ताब्यात घेतले. त्यानंतर घाबरलेल्या चार वर्षांच्या मुलाला उपचारासाठी रुग्णालयात दाखल केले. तात्काळ डॉक्टरांनी प्राथमिक उपचार करून मुलाच्या तब्येतीत सुधारणा झाली. याप्रकरणी पत्नी मुमताज हुसेन गडीयाली (वय २७) रा – माठेवाडा सावंतवाडी, यांनी पोलीस ठाण्यात दिलेल्या फिर्यादीवरून तीन मुलांसह स्वतः अंगावर पेट्रोल ओतून जीवे मारण्याच्या प्रयत्न केल्याप्रकरणी पती हुसेन गडीयाली याच्याविरुद्ध गुन्हा दाखल करून अटक करण्यात आली. न्यायालयात हजर केले असता एका दिवसाची चौकशीसाठी पोलीस कोठडी मिळाली आहे, अशी माहिती सावंतवाडी ठाण्याचे पोलीस निरीक्षक अमोल चव्हाण यांनी दिली.

हेही वाचा – सातारा : वडिलांकडून अल्पवयीन मुलीवर अत्याचार

न्यायालयात घटस्फोटासाठी अर्ज दाखल केला आहे. त्यावरून वाद उफाळून आला आहे असे प्राथमिक चौकशीत समोर आले आहे, असे पोलिसांनी सांगितले. मात्र वडिलाने आपल्यासोबत तिन्ही मुलांना पेट्रोल ओतून ठार मारण्याचा प्रयत्न केला म्हणून गुन्हा दाखल करण्यात आला आहे.