सोलापूर : अजित पवारांनी इशारा देऊनही मोहोळमध्ये दोन पाटलांचा संघर्ष सुरूच

मोहोळ तालुक्यात माजी आमदार राजन पाटील आणि उमेश पाटील हे दोघे राष्ट्रवादी काँग्रेस अजित पवार पक्षात असताना त्यांच्यातील गटबाजी सुरूच आहे. राष्ट्रवादी एकसंघ असताना शरद पवार यांच्यासमोर आणि आता राष्ट्रवादी अजित पवार गट अस्तित्वात असताना खुद्द अजित पवार यांच्यासमोर ही गटबाजी वेळोवेळी पहावयास मिळाली आहे. परंतु पवार काका-पुतण्याने या गटबाजीकडे कानाडोळाच केला. या पार्श्वभूमीवर अलीकडे राजन पाटील यांच्या गावात, अनगर येथे अप्पर तहसील कार्यालय झाले आहे. या अप्पर तहसील कार्यालयास त्यांच्या विरोधकांची गावे जोडली गेल्यामुळे सर्व विरोधक नवीन अप्पर महसूल कार्यालय मंजुरीच्या विरोधात एकवटले आहेत. या प्रश्नावर उमेश पाटील यांच्या गुणाकारांनी सर्वपक्षीय आंदोलन सुरू आहे. याचाच भाग म्हणून उपमुख्यमंत्री अजित पवार व त्यांच्या पक्षाचे प्रदेशाध्यक्ष सुनील तटकरे हे जनसन्मान यात्रा घेऊन मोहोळमध्ये आले असताना नेमका तोच मुहूर्त साधून मोहोळ तालुका बचाव समितीने मोहोळ बंद पुकारला होता. तसेच अजित पवार यांचा दौरा रद्द होणार असल्याची आवई उठवण्यात आली होती.

आणखी वाचा

Sanjay Raut: ‘फुटणाऱ्यांना लाज वाटली पाहिजे’, शरद पवार गटाचे खासदार अजित पवारांची साथ देणार? संजय राऊत संतापले

कल्याण मारहाण प्रकरण: “तो म्हणाला मुख्यमंत्री कार्यालयातून एक…

Ajit Pawar: अजित पवार दिल्लीतील नवे मराठा स्ट्राँगमॅन; खासदार सुनेत्रा पवार यांना शरद पवारांसमोरील बंगला मिळाल्यामुळे चर्चांना उधाण

राज्यात पुन्हा योजना, उद्घाटनांचा धडाका

पैशाच्या जोरावर लोकशाही विकत घेण्याचा प्रयत्न म्हणजेच ‘ऑपरेशन लोटस’,पटोलेंचा घणाघात

Rahul Narvekar : शिवसेना, राष्ट्रवादी व्हाया भाजपा, सर्वात कमी वयाचे विधानसभाध्यक्ष; राहुल नार्वेकरांची राजकीय कारकीर्द कशी आहे?

गुलाबराव देवकर यांच्या पक्ष प्रवेशास अजित पवार गटाच्या स्थानिक नेत्यांचा विरोध, पक्ष प्रवेशाच्या विरोधात फलक झळकला

राष्ट्रवादीचे जयंत पाटील यांच्यासमोर मतदारसंघात कडवे आव्हान

हेही वाचा – Hasan Mushrif : हसन मुश्रीफांची समरजिसिंह घाटगेंवर अप्रत्यक्ष टीका; म्हणाले, “अशा लोकांच्या…”

हेही वाचा – Akshay Shinde Encounter : मुंब्रा बायपासवर असा घडला अक्षय शिंदेच्या एन्काऊंटर, वाचा चकमकीचा घटनाक्रम

ही बाब अजित पवार यांच्या लक्षात आल्यानंतर त्याची गंभीर दखल घेत त्यांनी उमेश पाटील यांचा थेट नामोल्लेख टाळून आपण राजन पाटील आणि त्यांच्या कुटुंबीयांच्या पाठीशी भक्कमपणे उभे असल्याचा निर्वाळा दिला. आपला दौरा रद्द करायला अजून कोणी जन्माला आला नाही, असा इशारा त्यांनी दिला. तर, प्रदेशाध्यक्ष सुनील तटकरे यांनीही राजन पाटील यांना पत्र देणाऱ्यांविरुद्ध शिस्तभंगाची कारवाई केली जाईल, असा इशारा दिला. तथापि, दुसरीकडे उमेश पाटील यांनी आपल्या भूमिकेत बदल न करता राजन पाटील आणि त्यांचे समर्थक आमदार यशवंत माने यांच्या विरोधात पवित्रा कायम ठेवला आहे. पक्षश्रेष्ठींनी आपल्याआधी राजन पाटील यांच्यावर शिस्तभंगाची कारवाई करावी, अशी मागणी केली आहे. आगामी विधानसभा निवडणुकीसाठी पक्षाचा अधिकृत उमेदवार अद्यापि जाहीर झालेला नसताना मोहोळमध्ये राजन पाटील यांनी आमदार यशवंत माने यांची उमेदवारी जाहीर केली आहे. हा अधिकार त्यांना कोणी दिला, त्यांची ही एकाधिकारशाही लोकशाहीत बसते का, असा सवाल उमेश पाटील यांनी केला आहे.