सोलापूर जनता सहकारी बँकेस ३२.१७ कोटींचा निव्वळ नफा

सोलापूर जनता सहकारी बँकेच्या सोलापूरसह संपूर्ण महाराष्ट्र आणि कर्नाटकात एकूण ४१ शाखा असून, १९०४ कोटी रुपयांच्या ठेवी आहेत. बँकेने १०७४.१६ कोटी रुपयांचे कर्ज वितरित केले असून, एकूण व्यवसाय २९७८ कोटी रुपयांचा झाला आहे. बँकेची सभासद संख्या ७० हजार असून, भागभांडवल ७२.१२ कोटी रुपयांचे आहे. रिझर्व्ह बँक ऑफ इंडियाच्या नियमानुसार भांडवल पर्याप्तता (सीआरएआर) १२ टक्के असणे अपेक्षित आहे. मात्र, सोलापूर जनता सहकारी बँकेने यातदेखील आघाडी घेतली असून, बँकेची भांडवल पर्याप्तता १८.८० टक्के आहे. त्यामुळे बँकेच्या भांडवलाची स्थिती उत्तम असल्याचेही पेंडसे यांनी सांगितले.

बँकेकडून ९०१.२२ कोटी रुपयांची गुंतवणूक झाली आहे. प्रोव्हिजन कव्हरेज रेशोही मागील वर्षाच्या तुलनेत वाढून ८६.३१ टक्के झाला आहे. संघ परिवाराची आर्थिक नाडी समजल्या जाणाऱ्या या बँकेने ग्राहक आणि सभासदांच्या सुविधेसाठी नेट बँकिंग आणि मोबाइल बँकिंग सुरू करण्यासाठीचे भारतीय रिझर्व्ह बँकेचे निकष पूर्ण केले आहेत. त्यामुळे बँकेला नेट बँकिंग आणि मोबाइल बँकिंगची परवानगी मिळण्याची अपेक्षा बँकेचे व्यक्त आहे. या वेळी बँकेचे मुख्य कार्यकारी अधिकारी विनय दुनाखे, संचालक वरदराज बंग, प्राचार्य गजानन धरणे, तज्ज्ञ संचालक सी. ए. गिरीष बोरगावकर, पुरुषोत्तम उडता, संचालिका चंद्रिका चौहान, विनोद कुचेरिया, उपसरव्यवस्थापक अंजली कुलकर्णी, मकरंद जोशी, देवदत्त पटवर्धन आदी उपस्थित होते.