सोलापूर : ‘अग्निपथ’ भरती विरोधात आंदोलनासाठी आलेल्या तरूणांना पोलिसांनी घेतले ताब्यात

दुपारी हे तरूण रेल्वे स्थानकावर एकत्र आल्याचे आणि त्यांच्याकडून अग्निपथ योजनेच्या विरोधात आंदोलनाची तयारी होत असल्याची माहिती सोलापूर शहर पोलिसांना मिळाली. त्यानुसार सदर बझार पोलिसांनी रेल्वे स्थानकावर धाव घेऊन संबंधित सर्व तरूणांना ताब्यात घेतले. हे तरूण सोलापूर जिल्ह्यातील असून बहुतांशी अक्कलकोट, दक्षिण सोलापूर, बार्शी, माळशिरस या तालुक्यातील असल्याचे सदर बझार पोलीस ठाण्याच्या वरिष्ठ पोलीस निरीक्षक अश्विनी भोसले यांनी सांगितले.