एसटी कर्मचाऱ्यांचे आंदोलन चिघळणार, उच्च न्यायालयाने मज्जाव केला असतानाही कर्मचाऱ्यांचे आंदोलन सुरुच

विविध मागण्यांसाठी एसटी कर्मचाऱ्यांचे गेल्या काही दिवसांपासून राज्यातील विविध एसटी डेपोच्या ठिकाणी काम बंद आंदोलन सुरु होते. राज्य सरकारने कर्मचाऱ्यांच्या कृती समितीशी चर्चा करत काही मागण्या मान्य केल्या तर काही मागण्यांबाबत दिवाळीनंतर चर्चा करु असे आश्वासन दिले. तेव्हा आंदोलन मागे घेत असल्याचं कर्मचारी कृती समितीने जाहिरही केले. तरीही अनेक एसटीच्या डेपोमध्ये काम बंद आंदोलन कर्मचाऱ्यांचे सुरुच राहीले. या आंदोलनाला भाजपच्या नेत्यांही उघडपणे पाठिंबा दिला.