“पंकजाताई तु्म्ही माझ्यासारख्या प्रामाणिक माणसाला गमावलंत”, निवडून येताच भाजपा आमदार सुरेश धस यांची व्यथा

सुरेश धसं यांना आष्टी मतदारसंघात १,४०,५०७ मतं मिळाली आहेत. तर, या मतदारसंघात अपक्ष उमेदवार ६५,५३२ मतं मिळाली आहेत. या मतदारसंघात राष्ट्रवादी काँग्रेस पार्टीचे (शरद पवार) उमेदवार महबुब शेख यांना ५२,७३८ व राष्ट्रवादीचे (अजित पवार) उमेदवार बाळासाहेब आजबे यांना २१,५९५ मतं मिळाली आहेत.

दरम्यान, बलाढ्य विजयानंतर सुरेश धस यांनी विजयी प्रचारसभा घेतली. विजयी गुलाल उधळल्यानंतर धस यांनी पंकजा मुंडे यांच्यावरील नराजी व्यक्त केली. ते म्हणाले, “पंकजाताई राजकारणात तुम्ही माझ्यासारख्या प्रमाणिक माणसाला गमावून बसलात. आजपासून तुम्ही मला गमावलंत. तुमचे माझ्याविरोधात फोन यायला नको होते. मी कायम तुमचा मानसन्मान राखला. प्रामाणिकपणे मी तुमच्याबरोबर राहिलो. मी तुमचं काम केलं. मात्र तुंम्ही काय केलंत? तुम्ही मला पाडा म्हणून सांगितलं. तुम्ही तरी असे फोन करायला नको होते. त्यांच्या स्वीय सहाय्यकाने फोन करायला नको होते. संकेत सानप यांनी फोन केले, ते सतत पंकजा मुंडेंबरोबर असतात. मला त्यांना सांगायचं आहे की आम्ही तळहाताच्या फोडाप्रमाणे हा वंजारी समुदाय जपला आहे. ते प्रामाणिकपणे माझ्याबरोबर आहेत.

हे ही वाचा >> Video: लाभार्थीकरण, धर्माची फोडणी आणि चमचमीत यश; गिरीश कुबेर यांनी सांगितली महायुतीच्या विजयाची ‘रेसिपी’!

महाराष्ट्र विधानसभा निवडणुकीतील विजयी उमेदवारांची यादी