Sushma Andhare : “माझी प्रिय भावजय” म्हणत सुषमा अंधारेंनी केली अमृता फडणवीसांची नक्कल; म्हणाल्या, “ठाकरे मृत्यूशय्येवर असताना…”

२०२२ मध्ये झालेल्या बंडाबाबत सुषमा अंधारे बोलत होत्या. त्या काळात तत्कालीन मुख्यमंत्री उद्धव ठाकरे यांच्या पत्नी रश्मी ठाकरे कोणत्या विवंचनेत होत्या याबाबत सुषमा अंधारे सांगत होत्या. त्या म्हणाल्या, “मणक्याच्या विकाराने उद्धव ठाकरे त्रस्त होते. मृत्यूशय्येवर होते. मृत्यूशी झुंज देत होते. रश्मी वहिनींच्या डोळ्यात चिंतेचे काहूर होते. चिंताग्रस्त रश्मी वहिनींना विरोधक, सत्ताधारी, विरोधक यांच्याशी काही देणंघेणं नव्हतं. आपला नवरा, आपलं सौभाग्य, आपलं कुंकू अडचणीत आहे, आपलं सौभाग्य मृत्यूशय्येवर आहे आणि ते सुखरूप परत आले पाहिजेत एवढीच त्या माऊलीची अपेक्षा होती. पण त्याच वेळेला मुख्यमंत्री पदाचा कारभार कोणी पाहायचा? साहेबांवर एवढी कठीण शस्त्रक्रिया होणार आहे. करायचं काय? आदित्य दादांनी आमदारांची बैठक बोलावली आणि एकनाथ शिंदेना गटनेता ठरवलं. ”

आणखी वाचा

“अंकिता आणि आमचे दाजी…”, वैभव चव्हाणने ‘कोकण हार्टेड गर्ल’बरोबरचे शेअर केले फोटो; नेटकरी म्हणाले, “विश्वास बसत नाही…”

१६ नोव्हेंबर पंचांग: कृतिका नक्षत्रात मेषला शुभ दिवस,…

फडणवीस म्हणाले, “पाटणी पुत्राची समजूत घालण्याचा प्रयत्न केला, पण…”

Asaduddin Owaisi : “आंबेडकर जिंदा है तो गोडसे…”, असदुद्दीन ओवैसींची पंतप्रधान मोदींच्या विधानावर जोरदार टीका

Ajit Pawar: ‘साताऱ्याला पिपाणीनं वाचवलं, नाहीतर…’, अजित पवारांच्या मिश्किल टिप्पणीनं भाजपाचीच कोंडी

“जयंत पाटील आतल्या गाठीचे, त्यांनी…”, अजित पवार गटाकडून टीका; म्हणाले, ‘यावेळी त्यांचा करेक्ट कार्यक्रम करणार’

“संजय राऊतांसारख्या लोकांना मी…”, देवेंद्र फडणवीस यांची टीका; म्हणाले, “ते माझ्या उंचीचे…”

“वडील घरी आल्यावर आम्ही सलवार कुर्ता घालायचो”, ईशा देओलने धर्मेंद्र यांच्याबद्दल केलेला खुलासा; म्हणालेली, “त्यांना मी १८ व्या वर्षी…”

हेही वाचा >> Raj Thackeray in Nashik : “निवडणुका म्हणजे तुम्हाला सांगतो…”, प्रचारसभांना कंटाळून राज ठाकरे नेमकं काय म्हणाले?

कावळ्याच्या हाती दिला कारभार….

“एकनाथ शिंदे कधीकाळी शाखाप्रमुख म्हणून आले होते, मग जिल्हाप्रमुख झाले, महापौर झाले, आमदार झाले, मंत्री झाले पुढे नगरविकास मंत्री झाले. हे का सांगावं लागतं? त्याचं कारण आहे. एकनाथ शिंदे पाच दिवसांपूर्वी भाषणात म्हणाले, उद्धव ठाकरेंनी मला हलक्यात घेतलं, म्हणून त्यांचं सरकार पाडलं. फारच हलक्यात घेतलं. एकनाथ शिदेंसारखा माणूस एवढा पाताळयंत्री निघेल असं वाटलंच नसेल उद्धव ठाकरेंना. पाठीत खंजीर खुपसणारा निघेल असं वाटलंच नाही. पोटात पाप असतं तर उद्धव ठाकरेंनी कधीच त्यांना गटनेता बनवलं नसतं. आदित्य ठाकरेंकडे कारभार दिला असता. पण पुन्हा गावाकडेची म्हण आठवते. कावळ्याच्या हाती दिला कारभार आणि त्याने हागून ठेवला दरबार”, अशी टीकाही सुषमा अंधारे यांनी केली.

भाजपाबरोबर मांडवली केली

“आपला नेता मृत्यूशय्येवर असताना त्याच्या पश्चात या राज्याचा कारभार दिला. पण त्यांनी भाजपाची मांडवली करत गद्दारी केली. जे लोक म्हणतात आम्ही बंड, उठाव केला. बंड आणि उठाव करायचा असता तर ४० जण बाजूला गेले असते आणि पत्रकार परिषद घेतली. पण तुम्ही तोंड लपवून सुरतवाटे गुवाहाटीला गेलात, याचा अर्थ तुमच्या पोटात पाप होतं. आणि ते तोंड लपवून जाताना त्यांना मदत कोण करत होतं? देवेंद्र फडणवीस”, असंही त्या म्हणाल्या.

“हे आपण नाही बोललो, हे कोण बोललं? माझी प्रिय भावजयी, माझी लाडकी भावजयी म्हणाली. अमृता वहिनी म्हणाल्या, देवेंद्र असा हुडी-बुडी घालून जायचा. गॉगल बिगल लावून जायचा. रात्रीच्या अंधारात अंथरातून उठून जायचा. रात्रीचा जातोस गुपचूप. देवेंद्र कुठे जायचा मला कळायचाच नाही. आमच्या भावजयीने सांगितलं. रात्रीच्या अंधारात कोण जातो?”असं म्हणत सुषमा अंधारेंनी अमृता फडणवीसांची नक्कल करत देवेंद्र फडणवीस अन् एकनाथ शिंदेंवरही टीका केली.