“…म्हणजे भक्तांचा चॉईसही किती फडतूस”, सुषमा अंधारेंची तुफान टोलेबाजी!

याच पार्श्वभूमीवर ठाकरे गटाच्या नेत्या सुषमा अंधारे यांनी भाजपा नेते आणि कार्यकर्त्यांचा उल्लेख ‘भक्तगण’ असा करत तुफान टोलेबाजी केली. जेव्हा भाजपा आणि शिंदे गटातील नेत्यांकडून महापुरुषांचा अपमान होत होता, त्यावेळी कार्यकर्ते चेकाळले नाहीत. पण फडतूस शब्दावर भक्तगण चेकाळले, अशी टोलेबाजी सुषमा अंधारे यांनी केली. त्या रोशनी शिंदे मारहाणप्रकरणी काढलेल्या मोर्चात बोलत होत्या.

आणखी वाचा

“पंतप्रधान मोदी म्हणजे ‘झुटों के सरदार’, त्यांनी हेच लाल संविधान…”; ‘त्या’ टीकेला मल्लिकार्जून खरगेंचं प्रत्युत्तर!

Devendra Fadnavis Income : उपमुख्यमंत्र्यांची एकूण संपत्ती किती?…

एजेवर येणार मोठे संकट, श्वेताच्या ‘त्या’ कृतीमुळे होणार अटक; ‘नवरी मिळे हिटलरला’ मालिका नव्या वळणावर

“…तेव्हा माझा एन्काऊंटर करण्याचा डाव होता”, सदाभाऊ खोत यांचा खळबळजनक आरोप!

“काँग्रेसच्या सत्तेतील राज्य शाही परिवाराचे ‘एटीएम’, मद्यविक्रेत्यांकडून ७०० कोटी रुपयांची वसुली,” पंतप्रधान नरेंद्र मोदींचा घणाघात

लोकमानस: धोरणांचा प्रचार झालाच नाही

‘प्रमोद महाजनांच्या हत्येमागे गुप्त हेतू’; पूनम महाजन म्हणाल्या, “आता अमित शाह आणि देवेंद्र फडणवीसांना…”

दहशतवादाचा सामना करण्याची रणनीती; राष्ट्रीय तपास संस्थेच्या परिषदेत अमित शहा यांचे प्रतिपादन

हेही वाचा- “…अन्यथा परिणाम भोगायला तयार राहा”, नारायण राणेंचा उद्धव ठाकरेंना थेट इशारा!

यावेळी सुषमा अंधारे भाजपा कार्यकर्ते आणि नेत्यांना उद्देशून तीन प्रश्न विचारले. पहिला प्रश्न विचारताना सुषमा अंधारे म्हणाल्या, “रोशनी शिंदे मारहाणप्रकरणी कोणतीच कारवाई झाली नाही, म्हणून उद्धव ठाकरेंनी उद्वविगतेनं ‘फडतूस’ शब्द उच्चारला. तेव्हा भक्तगण प्रचंड चेकाळले आणि चौथाळले. पण त्या भक्तगणांनी जरा विचार करावा, जेव्हा मंगलप्रभात लोढा, प्रसाद लाड किंवा भगतसिंह कोश्यारी यांनी छत्रपती शिवरायांबद्दल अश्लाघ्य भाषा वापरली. त्यावेळी भक्तगणांना राग का आला नाही? शिवराय तुमचे दैवत नाहीत का?”

हेही वाचा- “हिंमत असेल तर ४८ तासांत मातोश्रीवर या”, ‘त्या’ विधानावरुन सुषमा अंधारेंचं बावनकुळेंना खुलं आव्हान

दुसरा प्रश्न विचारताना सुषमा अंधारे पुढे म्हणाल्या, “जेव्हा चंद्रकांत पाटलांनी अगदी सहजपणे कर्मवीर भाऊराव पाटील आणि विश्वरत्न डॉ. बाबासाहेब आंबेडकर यांच्याबद्दल अत्यंत छिछोर भाषा वापरली. तेव्हाही भक्तांना राग आला नाही. बाबासाहेब तुमचं दैवत नाहीत का? उत्तर द्या. आता जरा तिसऱ्या प्रश्नावर येऊयात… काल-परवा जेव्हा संभाजीनगरमध्ये ‘वज्रमूठ’ सभा पार पडली. तेव्हा काही छिछोर भक्तांनी त्या मैदानावर गोमूत्र शिंपडलं. ज्या मैदानावर आमच्या मुस्लीम भावंडांनी रोझा सोडला. ज्या मैदानावर अठरा पगड जातीचे लोक आले होते. तिथल्या मैदानावर जर तुम्ही गौमूत्र शिंपडत असाल तर हा सगळ्या अठरा पगड जातीच्या लोकांचा अपमान नाही का? पण यावरही भक्तगण चेकाळले नाहीत. मात्र ‘फडतूस’ शब्दांवर भक्तगण प्रचंड चेकाळले. म्हणजे तुम्हीच विचार करा, भक्तांचा चॉईसही किती फडतूस आहे.”