“एकनाथभाऊ हा राजकारणातला नारायण…”; अजब पात्राशी तुलना करत सुषमा अंधारेंची एकनाथ शिंदेंवर टोलेबाजी!

मुख्यमंत्री एकनाथ शिंदे यांची सर्व वक्तव्ये ‘गल्लीत गोंधळ दिल्लीत मुजरा’ या चित्रपटातील ‘नारायण वाघ’शी मिळतीजुळती आहेत. एकनाथ शिंदे यांच्यासमोर जो नेता असतो, त्या नेत्याचं कौतुक एकनाथ शिंदे करतात, अशी टीका सुषमा अंधारेंनी केली. त्या ‘टीव्ही ९ मराठी’शी बोलत होत्या.

आणखी वाचा

सुलभा गायकवाडांच्या प्रचारासाठी अखेर खासदार शिंदे मैदानात

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

दखल: बायजाबाई यांच्या कर्तृत्वाचा आढावा

कल्याण ग्रामीणमध्ये श्रीकांत शिंदे – राजू पाटील यांच्यातील संघर्ष टोकाला

”महाविकास आघाडीचा जाहीरनामा ही पंचसूत्री नसून थापासुत्री”; मुख्यमंत्री एकनाथ शिंदे यांची टीका!

‘धोका’ टाळण्यासाठी ‘मित्रा’ला साकडे; महायुतीकडून शहरात एकही जागा न लढविणाऱ्या शिवसेनेची (शिंदे) यंत्रणा सक्रिय

तालिबानी राजवटीशी पहिलाच संवाद!

शिवसेना भवनसमोरून सदा सरवणकर यांच्या प्रचारार्थ श्रीकांत शिंदे यांचा रोड शो; महायुतीच्या कार्यकर्त्यांची गर्दी

हेही वाचा- बावनकुळेंनी पंकजा मुंडेंना भाषण करू दिलं नाही? भरसभेत नकार दिलेला ‘तो’ VIDEO व्हायरल

“मी पवारांचा सल्ला घेतो” या एकनाथ शिंदेंच्या विधानाबाबत विचारलं असता सुषमा अंधारे म्हणाल्या, “मला असं वाटतं की, शरद पवारांनी एकनाथ शिंदेंच्या त्या वक्तव्यावर कणभरही विश्वास ठेवला नसेल. एकनाथ शिंदेंच्या वक्तव्यावरून मला ‘गल्लीत गोंधळ दिल्लीत मुजरा’ या चित्रपटाचा ‘पार्ट -२’ आठवला. या चित्रपटात मुख्य व्यक्तीरेखा नारायण वाघ आहे. तो ज्याला बघेल त्याला म्हणायचा, साहेब मी प्रत्येक क्षणी तुमचाच फोटो खिशात घेऊन फिरतो. तशी आमच्या एकनाथभाऊंची गत आहे.”

हेही वाचा- ठाकरे-आंबेडकर युतीला राष्ट्रवादीचा हिरवा कंदील? जितेंद्र आव्हाडांचं सूचक विधान

“एकनाथ शिंदे जेव्हा पंतप्रधान मोदींच्या समोर असतात, तेव्हा ते ‘हम मोदी के लोग है’ असं म्हणतात. कधी ते म्हणतात देवेंद्रजी या कलाकारामुळे माझं सगळं बरं झालं. आता ते शरद पवारांबद्दलही तसं बोलले. मला वाटतं, एकनाथभाऊंची ही सगळी वक्तव्ये… नारायण वाघची वक्तव्ये आहेत. यापलीकडे मला त्यावर अधिक वक्तव्य करावं वाटत नाही,” अशी टोलेबाजी सुषमा अंधारेंनी केली.