Tanaji Sawant : महाराष्ट्राच्या मंत्रिमंडळाचा विस्तार १५ डिसेंबरला नागपूरमध्ये पार पडला. या मंत्रिमंडळात जुन्या नव्या अशा ३९ चेहऱ्यांना स्थान देण्यात आलं आहे. लवकरच खातेवाटप होईल असंही सांगण्यात आलं आहे. मागच्या सरकारमध्ये मंत्री असलेल्या दीपक केसरकर, तानाजी सावंत आणि अब्दुल सत्तार यांचा पत्ता कट झाला आहे. भाजपामध्येही सुधीर मुनगंटीवार यांना स्थान देण्यात आलेलं नाही. यानंतर काहींची नाराजी समोर येते आहे. दरम्यान शिवसेना (एकनाथ शिंदे) नेते तानाजी सावंत यांनी फेसबुकचा डीपी बदलला आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

तानाजी सावंत यांनी फेसबुकचा डीपी बदलला

शिवसेना पक्षातील पहिल्या फळीतील नेते असलेल्या आमदार तानाजी सावंत (Tanaji Sawant) यांना मंत्रि‍पदाची संधी न मिळाल्याने ते नाराज झाल्याची चर्चा आहे. राज्य सरकारच्या मंत्रिमंडळ विस्तार शिवसेना शिंदे गटाच्या ११ आमदारांनी मंत्रि‍पदाची शपथ घेतली. त्यामध्ये, अनेक नव्या चेहऱ्यांना संधी मिळाली आहे. मात्र, शिवसेना (Shivsena) पक्षातील वरिष्ठ नेते व शिंदे सरकारमधील तीन माजी मंत्र्यांना डच्चू देण्यात आला. त्यामध्ये, धाराशिव जिल्ह्यातील परंडा मतदारसंघाचे आमदार तानाजी सावंत यांनाही मंत्रीपद देण्यात आलेलं नाही. त्यामुळे, तानाजी सावंत ( Tanaji Sawant ) नाराज असून त्यांनी माध्यमांशी बोलण्याचंही टाळलं आहे. याबाबत, त्यांच्या कार्यालयाकडून माध्यमांसाठी पत्रकही जारी करण्यात आलं होतं. आता, तानाजी सावंत यांनी त्यांच्या फेसबुकचा प्रोफाईल फोटो बदलल्याने चर्चांना उधाण आलं आहे. विशेष म्हणजे तानाजी सावंत ( Tanaji Sawant ) यांनी आपल्या प्रोफाईलमधील शिवसेना हे नाव काढलं आहे.

हे पण वाचा- शिंदे यांची तारेवरची कसरत; भाजपचा आक्षेप असलेल्या तीन मंत्र्यांना वगळले

तानाजी सावंत यांनी कव्हर फोटो आणि डीपी दोन्ही बदललं

तानाजी सावंत ( Tanaji Sawant ) यांनी त्यांच्या फेसबुकचा कव्हर फोटो आणि डीपी दोन्ही बदललं आहे. शिवसेनेचं नाव आणि चिन्ह असलेलं प्रोफाइल सावंत यांनी हटवलं आहे. त्याऐवजी, नवीन प्रोफाईल ठेवण्यात आलं असून या नव्या प्रोफाईल फोटोमध्ये फक्त शिवसेनाप्रमुख दिवंगत बाळासाहेब ठाकरे यांचा फोटो दिसून येत आहे. तसेच, शिवसेना चिन्ह असलेल्या फोटोच्या जागी शिवसैनिक उल्लेख असलेला बाळासाहेबांचा फोटो असल्याचं पाहण्यास मिळतं आहे. तानाजी सावंत ( Tanaji Sawant ) यांनी फेसबुकचा डीपी आणि कव्हर फोटो दोन्ही बदलल्याने राजकीय वर्तुळात चर्चेला उधाण आले आहे.

तानाजी सावंत यांनी डीपी आणि कव्हर फोटो दोन्ही बदललं. चर्चांना उधाण. (फोटो सौजन्य-तानाजी सावंत फेसबुक पेज)

हिवाळी अधिवेशनातही तानाजी सावंत यांची उपस्थिती नाही

दरम्यान हिवाळी अधिवेशन आजपासून सुरू झाले असून या अधिवेशनातही तानाजी सावंत आले नाहीत.राज्य सरकारच्या मंत्रिमंडळ शपथविधी सोहळ्यालाही तानाजी सावंत उपस्थित नव्हते. नागपूरमधील रॅडिसन ब्लू हॉटेलमध्येच त्यांनी आपली बॅग पॅक केल्याची माहिती रविवारी समोर आली होती. तानाजी सावंत हे मंत्रि‍पदाचे दावेदार असतानाही त्यांना संधी न मिळाल्याने ते नाराज झाले आहेत अशा चर्चा आहेत.

तानाजी सावंत यांनी फेसबुकचा डीपी बदलला

शिवसेना पक्षातील पहिल्या फळीतील नेते असलेल्या आमदार तानाजी सावंत (Tanaji Sawant) यांना मंत्रि‍पदाची संधी न मिळाल्याने ते नाराज झाल्याची चर्चा आहे. राज्य सरकारच्या मंत्रिमंडळ विस्तार शिवसेना शिंदे गटाच्या ११ आमदारांनी मंत्रि‍पदाची शपथ घेतली. त्यामध्ये, अनेक नव्या चेहऱ्यांना संधी मिळाली आहे. मात्र, शिवसेना (Shivsena) पक्षातील वरिष्ठ नेते व शिंदे सरकारमधील तीन माजी मंत्र्यांना डच्चू देण्यात आला. त्यामध्ये, धाराशिव जिल्ह्यातील परंडा मतदारसंघाचे आमदार तानाजी सावंत यांनाही मंत्रीपद देण्यात आलेलं नाही. त्यामुळे, तानाजी सावंत ( Tanaji Sawant ) नाराज असून त्यांनी माध्यमांशी बोलण्याचंही टाळलं आहे. याबाबत, त्यांच्या कार्यालयाकडून माध्यमांसाठी पत्रकही जारी करण्यात आलं होतं. आता, तानाजी सावंत यांनी त्यांच्या फेसबुकचा प्रोफाईल फोटो बदलल्याने चर्चांना उधाण आलं आहे. विशेष म्हणजे तानाजी सावंत ( Tanaji Sawant ) यांनी आपल्या प्रोफाईलमधील शिवसेना हे नाव काढलं आहे.

हे पण वाचा- शिंदे यांची तारेवरची कसरत; भाजपचा आक्षेप असलेल्या तीन मंत्र्यांना वगळले

तानाजी सावंत यांनी कव्हर फोटो आणि डीपी दोन्ही बदललं

तानाजी सावंत ( Tanaji Sawant ) यांनी त्यांच्या फेसबुकचा कव्हर फोटो आणि डीपी दोन्ही बदललं आहे. शिवसेनेचं नाव आणि चिन्ह असलेलं प्रोफाइल सावंत यांनी हटवलं आहे. त्याऐवजी, नवीन प्रोफाईल ठेवण्यात आलं असून या नव्या प्रोफाईल फोटोमध्ये फक्त शिवसेनाप्रमुख दिवंगत बाळासाहेब ठाकरे यांचा फोटो दिसून येत आहे. तसेच, शिवसेना चिन्ह असलेल्या फोटोच्या जागी शिवसैनिक उल्लेख असलेला बाळासाहेबांचा फोटो असल्याचं पाहण्यास मिळतं आहे. तानाजी सावंत ( Tanaji Sawant ) यांनी फेसबुकचा डीपी आणि कव्हर फोटो दोन्ही बदलल्याने राजकीय वर्तुळात चर्चेला उधाण आले आहे.

तानाजी सावंत यांनी डीपी आणि कव्हर फोटो दोन्ही बदललं. चर्चांना उधाण. (फोटो सौजन्य-तानाजी सावंत फेसबुक पेज)

हिवाळी अधिवेशनातही तानाजी सावंत यांची उपस्थिती नाही

दरम्यान हिवाळी अधिवेशन आजपासून सुरू झाले असून या अधिवेशनातही तानाजी सावंत आले नाहीत.राज्य सरकारच्या मंत्रिमंडळ शपथविधी सोहळ्यालाही तानाजी सावंत उपस्थित नव्हते. नागपूरमधील रॅडिसन ब्लू हॉटेलमध्येच त्यांनी आपली बॅग पॅक केल्याची माहिती रविवारी समोर आली होती. तानाजी सावंत हे मंत्रि‍पदाचे दावेदार असतानाही त्यांना संधी न मिळाल्याने ते नाराज झाले आहेत अशा चर्चा आहेत.