सावंतवाडी: संपूर्ण दोडामार्ग तालुका व सावंतवाडीतील एकूण १२ गावांमध्ये वृक्षतोडीस बंदी घालण्यात आली आहे. त्यानुसार अवैधरित्या होणाऱ्या वृक्षतोडीवर नियंत्रण ठेवण्यासाठी सावंतवाडी-दोडामार्ग टास्क फोर्स समिती स्थापन करण्यात आली आहे. मुंबई उच्च न्यायालयात दाखल करण्यात आलेल्या जनहीत याचिकेनुसार टास्क फोर्स समितीमध्ये महसूल विभाग, वन विभाग व पोलिस विभागातील अधिकाऱ्यांचा समावेश आहे. सावंतवाडी-दोडामार्ग टास्क फोर्स समितीचे अध्यक्ष हे उपविभागीय अधिकारी हेमंत निकम असून सदस्य सचिव सहाय्यक वनसंरक्षक वैभव बोराटे हे आहेत. या समितीमध्ये उपविभागीय पोलिस अधिकारी विनोद कांबळे, सावंतवाडी तहसिलदार श्रीधर पाटील, दोडामार्ग वनपरिक्षेत्र अधिकारी वैशाली मंडल, सावंतवाडी वनपरिक्षेत्र अधिकारी नेहा वानरे, आंबोली वनपरिक्षेत्र अधिकारी अमित कटके, सावंतवाडी पोलिस निरीक्षक अमोल चव्हाण, दोडामार्ग पोलिस निरीक्षक यांची सदस्य म्हणून नेमणूक करण्यात आली आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
