पाकिस्तानचे पाणी अडवले, आता पाकिस्तानलाच अडवा-आठवले

भारताच्या नद्यांचे पाकिस्तानला जाणारे पाणी अडवून पाकिस्तानची कोंडी करण्याचा नितीन गडकरींचा निर्णय स्वागतार्ह आहे. पाकिस्तानचे पाणी अडवले आता दहशतवादाला खतपाणी घालणाऱ्या पाकिस्तानशी क्रिकेट, व्यापार, व्यवहार असे सगळे संबंध तोडून आरपारची लढाई लढून पाकिस्तानला कायमचं अडवलं पाहिजे असं मत आरपीआयचे नेते आणि केंद्रीय सामाजिक न्याय राज्यमंत्री रामदास आठवले यांनी व्यक्त केले आहे. भारताकडून पाणी घेऊन पाकिस्तान भारताशीच बेइमानी करत आहे. भारतात दहशतवाद पसरवून भारतीय सैनिकांचे रक्त सांडवणाऱ्या पाकिस्तानला कायमचे आडवे केले पाहिजे असंही आठवले यांनी म्हटलं आहे.