पुणे-बंगळुरू महामार्गावर भीषण अपघात; एकाच कुटुंबातील पाच जणांचा मृत्यू

येवलेवाडी फाट्याजवळ असलेल्या हॉटेल शर्यत जवळ आशियाई महामार्गाच्या कोल्हापूर दिशेने जाणाऱ्या रस्त्याच्या बाजूला कंटेनर (एमएच ०५ ए एम ३६४४) थांबलेला होता, मात्र कोल्हापूरच्या दिशेने भरधाव वेगाने जाणाऱ्या कारने (एमएच १४ डी एन ६३३९) उभ्या असलेल्या कंटेनरच्या डाव्या बाजूस जोराची धडक दिली. यामध्ये कारमधील चालक अरिंजय आण्णासो शिरोटे रा. जयसिंगपूर, यांच्यासह एक महिला स्मिता अभिनंदन शिरोटे (वय ३८) व तीन मुले पूर्वा अभिनंदन शिरोटे (वय १४), सुनिशा अभिनंदन शिरोटे (वय ०९), वीरेन अभिनंदन शिरोटे (वय ०४) हे गंभीर जखमी झाले होते. यामधील तिघांना उपजिल्हा रुग्णालय इस्लामपूर येथे तर दोघांना प्राथमिक आरोग्य केंद्र कासेगाव येथे हलवण्यात आले होते. मात्र डॉक्टरांनी त्यांना मृत घोषित केले आहे.