“१० जूनपर्यंत संजय राऊत राष्ट्रवादी काँग्रेसमध्ये प्रवेश करणार” भाजपा आमदार नितेश राणेंचा दावा

नितेश राणे म्हणाले की, “संजय राऊत यांनी असं कळवलं आहे की आता काय उद्धव ठाकरेंचं काही खरं नाही. त्यांचा स्वतःचा पक्ष राहिलेला नाही. मला उद्धव ठाकरेंसोबत राहण्यास अर्थ वाटत नाही त्यामुळे तुम्ही मला राष्ट्रवादीत घ्या” हे सगळं संजय राऊत यांनी शरद पवारांना सांगितल्याचा दावा भाजपा आमदार नितेश राणेंनी केला आहे. १० जून पर्यंत संजय राऊत हे राष्ट्रवादी काँग्रेसमध्ये प्रवेश करतील असाही दावा नितेश राणेंनी केला आहे. ज्या दिवशी शरद पवार यांनी राजीनामा परत घेतला तेव्हा संजय राऊत यांना त्यांच्यासोबत जायचं होतं. त्यावेळी शरद पवार हे संपर्कात येत नव्हते असंही नितेश राणेंनी म्हटलं आहे.

आणखी वाचा

‘बटेंगे तो कटेंगे’ असे वक्तव्य करणारे याेगी आदित्यनाथ यांचा आता ‘हा’ नारा

महायुतीला सत्ता मिळाली, लाडक्या बहिणींना २१०० रुपये कधीपासून…

उद्धव यांचे भावनिक आवाहन ठाकरे सेनेला कितपत तारणार? मराठवाड्याकडे विशेष लक्ष?

शिवसेनेच्या बालेकिल्ल्यात शिंदे-ठाकरे गटांत सामना, संजय रायमूलकर यांची घोडदौड सिद्धार्थ खरात रोखणार?

Narendra Modi : पंतप्रधान नरेंद्र मोदींचा टोला, “राहुल गांधी ज्या दिवशी हिंदूहृदयसम्राट बाळासाहेब ठाकरे म्हणतील तेव्हा…”

“कोकण आणि शिवसेनेचे नाते तोडण्याचा प्रयत्न, कोकणचे अदानीकरण होऊ देणार नाही”, उद्धव ठाकरेंचा इशारा

कळवा-मुंब्य्रात गुरु-शिष्याची नव्हे तर धर्म-अधर्माची लढाई, कृषीमंत्री धनंजय मुंडे यांचे मुंब्य्रातील सभेत विधान

आम्ही सातत्याने उद्धव ठाकरेंना सांगत होतो की संजय राऊत साप आहे. हा ना बाळासाहेब ठाकरेंचा होऊ शकला ना तुमचा होणार. बाळासाहेब ठाकरे असताना संजय राऊतांनी उद्धव ठाकरे आणि राज ठाकरेंमध्ये भांडणं लावली. उद्या जेव्हा संजय राऊत राष्ट्रवादीत प्रवेश करतील तेव्हा त्यांचे मनसुबे उद्धव ठाकरेंना कळतील. या एका माणसामुळे तुम्ही किती लोकांना तोडलंत. असंही नितेश राणेंनी म्हटलं आहे.

जेव्हा शरद पवारांनी राजीनामा दिला तेव्हा राहुल गांधी, एम. के. स्टॅलिन यांच्यापासून सगळ्या लोकांनी शरद पवारांना फोन केला आणि आपण राजीनामा मागे घेण्याची विनंती केली. पण उद्धव ठाकरेंनी असा काही आग्रह धरला होता असं तुम्ही ऐकलंत का? उद्धव ठाकरेंना एकटं पाडण्याचा प्रयत्न संजय राऊत करत आहेत का? असाही प्रश्न नितेश राणेंनी उपस्थित केला आहे.