सांगली: शाळेसाठी पुण्याहून आणलेल्या अल्पवयीन मुलींवर लैंगिक अत्याचार केल्या प्रकरणी आरोपीला आजन्म सश्रम कारावास आणि ५० हजार रूपये दंडाची शिक्षा जिल्हा व सह सत्र न्यायालयाने मंगळवारी सुनावली. संपत सीताराम फाळके (वय ५५ रा. जुळेवाडी ता. तासगाव) असे शिक्षा ठोठावण्यात आलेल्या आरोपीचे नाव आहे. आरोपीने करोना काळात शिक्षण बंद झाल्याने पिडीतेला आपल्या घरी आणले. यावेळी तिच्यावर अतिप्रसंग केला. यामध्ये ती गरोदर राहिली. ही बाब कोणालाही सांगू नकोस अन्यथा परिणाम वाईट होतील अशी धमकीही दिली होती. हेही वाचा. …आणि डॉक्टर देवेंद्र फडणवीस, जपानमधील विद्यापीठाकडून बहुमान दरम्यानच्या काळात तिला पलूस येथे रूग्णालयात उपचारासाठी दाखविण्यात गेले असता ती गरोदर असल्याचे स्पष्ट झाले. डॉक्टरांनी मुलीच्या जन्माचा दाखला मागणी करताच आरोपीने पळ काढला. मात्र, डॉक्टरांनी याची माहिती पोलीस ठाण्यात दिली. त्यावेळी पोलीसांनी चौकशी केली असता पिडीतीने आरोपीच्या धमकीमुळे बिहारी तरूणाने अतिप्रसंग केल्याचा खोटा जबाब दिला. याचा तपास करीत असताना मुलीवर झालेल्या अतिप्रसंगाची माहिती पोलीसांना मिळाली. हेही वाचा. “अरे आधी उतरू दे ना, एवढी घाई का करतोय”, चांद्रयानबाबतच्या प्रश्नावर अजित पवारांचं मिश्किल विधान संशयिताविरूध्द बाल लैंगिक अत्याचार प्रतिबंधक कायद्यानुसार गुन्हा दाखल करून सत्र न्यायालयात आरोपपत्र दाखल केले होते. या खटल्यात सत्र न्यायाधीश डी. एस. हातरोटे यांनी संशयिताविरूध्दचा गुन्हा सिद्ध होत असल्याचे सांगत आज आरोपीला मरेपर्यंत सश्रम कारावास आणि ५० हजार रूपये दंडाची शिक्षा ठोठावली. सरकारपक्षाच्यावतीने आरती देशपांडे-साटविलकर यांनी काम पाहिले.