Shankarrao Chavan Government Hospital Nanded Deaths : नांदेडच्या डॉ.शंकरराव चव्हाण वैद्यकीय महाविद्यालय आणि रुग्णालयात झालेल्या मृत्यूप्रकरणी राज्यात संताप व्यक्त केला जातोय. तर, दुसरीकडे या मृत्यूकांडात ज्यांनी आपले जीवलग गमावले आहेत, त्यांच्या नातेवाईकांनी रुग्णालय परिसरात आक्रोश केला आहे. १२ वर्षांनंतर ज्या मातेची कूस उजवली, त्या माऊलीच्या तीन महिन्याच्या बालकाचाही यात मृत्यू झाल्याने तिने तिचा आक्रोश खासदार सुप्रिया सुळे यांच्यासमोर बोलून दाखवला. तसंच, आज माध्यमांना प्रतिक्रिया देत रुग्णालयातील डॉक्टरांकडून मिळालेल्या वागणुकीचाही पाढा तिने वाचून दाखवला.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

अनुसया काळे असे या महिलेचं नाव असून त्यांना १२ वर्षांनी बाळ झालं होतं. त्या छत्रपती संभाजीनगर येथील पैठण येथे राहणाऱ्या आहेत. रुग्णालयातील डॉक्टरांच्या हलगर्जीपणामुळे बाळ गमावलं असल्याची प्रतिक्रिया मातेने दिली. त्या माध्यमांना प्रतिक्रिया देताना म्हणाल्या की, “डॉक्टरांनी माझ्या बाळाला पाहिलंच नाही. ते बाळाला औषधंच देत नव्हते. रात्रीही डॉक्टरांना विनंती केली. पण आम्ही व्हिडीओ बनवतो असं ते बोलू लागले.”

आणखी वाचा

हेही वाचा >> “भाजपाने पळपुटेपणा करण्यापेक्षा उघडपणे…”, सुप्रिया सुळेंचं मोदी सरकारला थेट आव्हान

“बाळाला न्युमोनिया झाला होता आणि हृदयाला छिद्र होते. तीन- साडेतीन महिन्याचं ते बाळ होतं. छातीकडे आम्ही दोघं-तिघं दाबू लागलो. माझ्या बाळाचे पाय गार पडले तरी डॉक्टर बघायला नाही आले. आम्हाला म्हणाले एकच रुग्ण आहे का बघायला. डोळेही कडक झाले तरी बघत नव्हते”, अशी करुण कहानी महिलेने माध्यमांना सांगितली.

दरम्यान, राष्ट्रवादीच्या खासदार सुप्रिया सुळे यांनीही आज या रुग्णालयात दौरा केला. यावेळी या पीडित महिलेचीही भेट त्यांनी घेतली. या महिलेने खासदार सुप्रिया सुळे यांनाही सविस्तर कहाणी सांगितली.

दरम्यान, नांदेडच्या डॉ.शंकरराव चव्हाण वैद्यकीय महाविद्यालय आणि रुग्णलयात २४ तासांत २४ मृत्यू झाल्याची माहिती ३ ऑक्टोबर रोजी उजेडात आली. त्यानंतरही येथील मृतांचा आकडा वाढत गेला. या मृतांमध्ये नवजात बालकांचाही समावेश आहे. औषधांचा अपुरा पुरवठा आणि वैद्यकीय कर्मचाऱ्यांची कमतरता यामुळे हे मृत्यू झाल्याचं समोर आलं आहे. याप्रकरणी रुग्णालयाचे डीन श्यामकुमार वाकोडे यांच्यावर मनुष्यवधाचा गुन्हा दाखल झाला आहे. तर, शिशू विभागातील डॉक्टरांवरही कारवाई झाली आहे. पुढील तपास सुरू आहे.

अनुसया काळे असे या महिलेचं नाव असून त्यांना १२ वर्षांनी बाळ झालं होतं. त्या छत्रपती संभाजीनगर येथील पैठण येथे राहणाऱ्या आहेत. रुग्णालयातील डॉक्टरांच्या हलगर्जीपणामुळे बाळ गमावलं असल्याची प्रतिक्रिया मातेने दिली. त्या माध्यमांना प्रतिक्रिया देताना म्हणाल्या की, “डॉक्टरांनी माझ्या बाळाला पाहिलंच नाही. ते बाळाला औषधंच देत नव्हते. रात्रीही डॉक्टरांना विनंती केली. पण आम्ही व्हिडीओ बनवतो असं ते बोलू लागले.”

आणखी वाचा

हेही वाचा >> “भाजपाने पळपुटेपणा करण्यापेक्षा उघडपणे…”, सुप्रिया सुळेंचं मोदी सरकारला थेट आव्हान

“बाळाला न्युमोनिया झाला होता आणि हृदयाला छिद्र होते. तीन- साडेतीन महिन्याचं ते बाळ होतं. छातीकडे आम्ही दोघं-तिघं दाबू लागलो. माझ्या बाळाचे पाय गार पडले तरी डॉक्टर बघायला नाही आले. आम्हाला म्हणाले एकच रुग्ण आहे का बघायला. डोळेही कडक झाले तरी बघत नव्हते”, अशी करुण कहानी महिलेने माध्यमांना सांगितली.

दरम्यान, राष्ट्रवादीच्या खासदार सुप्रिया सुळे यांनीही आज या रुग्णालयात दौरा केला. यावेळी या पीडित महिलेचीही भेट त्यांनी घेतली. या महिलेने खासदार सुप्रिया सुळे यांनाही सविस्तर कहाणी सांगितली.

दरम्यान, नांदेडच्या डॉ.शंकरराव चव्हाण वैद्यकीय महाविद्यालय आणि रुग्णलयात २४ तासांत २४ मृत्यू झाल्याची माहिती ३ ऑक्टोबर रोजी उजेडात आली. त्यानंतरही येथील मृतांचा आकडा वाढत गेला. या मृतांमध्ये नवजात बालकांचाही समावेश आहे. औषधांचा अपुरा पुरवठा आणि वैद्यकीय कर्मचाऱ्यांची कमतरता यामुळे हे मृत्यू झाल्याचं समोर आलं आहे. याप्रकरणी रुग्णालयाचे डीन श्यामकुमार वाकोडे यांच्यावर मनुष्यवधाचा गुन्हा दाखल झाला आहे. तर, शिशू विभागातील डॉक्टरांवरही कारवाई झाली आहे. पुढील तपास सुरू आहे.