सांगली: घरफोड्या करणाऱ्याला अटक करुन ६ लाख, ७३ हजाराचे दागिने हस्तगत

पथकामधील राजु शिरोळकर यांना यल्लाप्पा ऊर्फ खल्या आदरक शिंदे (वय ४२ रा. दत्तनगर, मोहोळ, जि. सोलापुर) हा चोरी केलेले सोन्याचांदीचे दागिने विक्री करीता मिरज येथील सिव्हील हॉस्पिटल चौकात बसवेश्वर उदयानासमोर येणार आहे अशी खात्रीशीर माहिती मिळाली. उद्यान परिसरात सापळा लावून थांबले असता, एक इसम हिरव्या रंगाची पिशवी हातात घेवून श्री. बसवेश्वर उद्यानासमोर येवून थांबला तसा त्याचा संशय आलेने पथकाने सदर ताब्यात घेवून चौकशी करीत झडती घेतली. त्याच्या हातातील पिशवीत १० तोळे सोन्याचे दागिने व एक किलो चांदीचे दागिने मिळून आले.

मिरज तालुक्यातील सुभाषनगर, मालगाव आणि एरंडोली गावात, कवठेमहांकाळ तालुक्यातील अलकुड आणि जत तालुक्यात डफळापुर, कंठी, वायफळ, आणि बनाळी गावात रात्री आणि दिवसा घर फोडी करून चोरी केली असल्याची कबूली त्यांने दिली. संशयित आरोपी रेकॉर्डवरील सराईत गुन्हेगार असून त्याचेवर सोलापूर जिल्हयात तसेच कर्नाटक राज्यात विवीध पोलीस ठाणेस घरफोडी चोरीचे गुन्हे दाखल आहेत.