“विकत घेणाऱ्यांना संस्कृती नाही आणि विकत देणाऱ्यालाही…”; श्रीपाल सबनीसांचं महाराष्ट्रातील राजकीय परिस्थितीवर परखड भाष्य!

राज्यातील सध्याच्या राजकीय परिस्थितीवर प्रसारमाध्यमांना प्रतिक्रिया देताना सबनीस यांनी, “उघडपणे जनता विकली जात आहे, जनतेचे प्रतिनिधी विकले जात आहेत. आणि हे सार्वत्रिक ६०-६०,५०-५०, ४०-४० अशा प्रकारच्या खोक्यांनी जर विकत घेतले जात असतील. तर याला कसली संस्कृती म्हणायची? विकत घेणाऱ्यांना संस्कृती नाही आणि विकत देणाऱ्यालाही संस्कृती नसते.” असं परखड भाष्य केलं.

या अगोदरही राज्यात जेव्हा मशीदींवरील भोंग्यावरून राजकीय वातावरण पेटलं होतं, तेव्हाही श्रीपाल सबनीस यांनी मत व्यक्त केलं होतं. “भोंग्याच्या आवाजापेक्षा संविधांनाचा आवाज मला पवित्र वाटतो. भोंग्याच्या राजकारणामध्ये देवाला अडकवून नका आणि धर्माला बदनाम करु नका. संविधानाची वाटणी आणि फाळणी करु नका. हे आपल्या देशाला परवडणारे नाही.” असे ते म्हणाले होते.