पुणे: ‘पुरुषोत्तम करंडक’ची महाअंतिम फेरी २४ डिसेंबरपासून; राज्यभरातील १८ महाविद्यालयांचा सहभाग

महाराष्ट्रीय कलोपासकतर्फे ‘पुरुषोत्तम करंडक’ या आंतरमहाविद्यालयीन एकांकिका स्पर्धेची महाअंतिम फेरी येत्या २४ डिसेंबरपासून पुण्यात रंगणार आहे. करोनाच्या प्रादुर्भावामुळे गेली दोन वर्षे महाअंतिम फेरी न झाल्याने दोन वर्षांच्या खंडानंतर यंदा राज्यभरातील युवा रंगकर्मींचा पुन्हा नाट्यजल्लोष होणार आहे. राज्यभरातील १८ महाविद्यालयांचे संघ महाअंतिम फेरीत सादरीकरण करणार असल्याने महाअंतिम फेरी चुरशीची होणार आहे.
यंदा पुरुषोत्तम करंडकच्या पुणे केंद्रावरील अंतिम फेरीत मानाचा पुरुषोत्तम करंडक न देण्याच्या परीक्षकांच्या निर्णयामुळे नाट्यक्षेत्रात गदारोळ झाला होता. या निर्णयानंतर बरीच साधकबाधक चर्चाही झाली. त्यानंतर राज्यभरातील विविध केंद्रांवर स्पर्धा झाली. भरत नाट्य मंदिर येथे २४ ते २६ डिसेंबर या कालावधीत सकाळी नऊ ते एक, सायंकाळी पाच ते नऊ या दोन सत्रांमध्ये महाअंतिम फेरीतील एकांकिकांचे सादरीकरण होईल. तर २६ डिसेंबरला सायंकाळी बक्षीस वितरण समारंभ होणार आहे. सुबोध पंडे, नितीन धंदुके, संजय पेंडसे महाअंतिम फेरीचे परीक्षण करणार आहेत.

हेही वाचा >>>पुणे: ‘एनआरडीसी’च्या लोकसंपर्क केंद्राची पुण्यात स्थापना; नवउद्योग, संशोधनाला चालना देण्याचा प्रयत्न

आणखी वाचा

Guru Ast 2025: नवीन वर्षात २७ दिवसांनी अस्त होणार गुरू! ‘या’ राशींची होणार चांदी, झटपट वाढेल पगार

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

महाविद्यालयांत तालमींचा कल्ला! ‘लोकसत्ता लोकांकिका’च्या मुंबई, ठाणे विभागीय अंतिम फेरीसाठी युवा रंगकर्मींचा कसून सराव

ठाणे : यंदाच्या नववर्षे स्वागत यात्रेत ‘संविधान’ विषयावर चित्ररथ

नवपंचम राजयोग देणार पैसाच पैसा; ‘या’ तीन राशींवर शुक्र-गुरूची होणार कृपा

विद्यार्थ्यांनो अंतिम मुदतवाढ, अन्यथा,,

सातारा : ‘धर्मरक्षक संभाजी’ प्रदर्शित करा अन्यथा, दाक्षिणात्य चित्रपट बंद पाडू; कराडमध्ये सेवाभावी संस्थांचा इशारा

शुक्र-गुरू बनवणार नवपंचम राजयोग; ‘या’ तीन राशींना मिळणार पैसाच पैसा

पुणे आणि अमरावती-नागपूर विभागात सर्वोत्कृष्ट प्रायोगिक एकांकिका निवडण्यात आली नाही. त्यामुळे या दोन विभागातील केवळ पहिल्या तीन क्रमांकांचे संघ महाअंतिम फेरीसाठी पात्र ठरले. तर रत्नागिरी, कोल्हापूर आणि जळगाव-औरंगाबाद विभागातून प्रत्येकी चार संघ महाअंतिम फेरीत दाखल झाले आहेत. त्यामुळे एकूण १८ महाविद्यालयांच्या एकांकिका महाअंतिम फेरीत सादर होणार आहेत. करोनाच्या प्रादुर्भामुळे गेली दोन वर्षे महाअंतिम फेरीचे आयोजन शक्य झाले नव्हते. त्यामुळे दोन वर्षांच्या खंडानंतर पुन्हा महाअंतिम फेरी रंगणार असल्याची माहिती महाराष्ट्रीय कलोपासकचे मंगेश शिंदे यांनी दिली.