Sanjay Raut: “त्याचाही एन्काऊंटर करा, आम्ही पाठिंबा देऊ”, संजय राऊत यांचे शिंदे-फडणवीसांना आव्हान

भाजपा पदाधिकाऱ्याचाही एन्काऊंटर करणार का?

“मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्यात सिंघम कोण यावरून भांडणे सुरू आहेत. एका सरकारमधील दोन नेते चकमकीचे श्रेय घेण्यासाठी चढाओढ करताना आम्ही पहिल्यांदाच पाहत आहोत. यावरूनच यामागे किती राजकारण शिजत आहे, हे दिसून येते. देवेंद्र फडणवीस यांच्या मतदारसंघात १०० हून अधिक महिलांवर अत्याचाराच्या घटना घडल्या आहेत. अनेक गुन्हे घडले आहेत. तिथे किती लोकांचा एन्काऊंटर करण्यात आला? मुंबईतील नालासोपारा येथील भाजपाच्या एका पदाधिकाऱ्याला सामूहिक बलात्काराच्या प्रकरणात अटक करण्यात आली आहे. सिंघम फडणवीस, सिंघम एकनाथ शिंदे त्याचा एन्काऊंटर करणार का? एकच एन्काऊंटर का? ज्यांनी ज्यांनी महिलांवर अत्याचार केला, त्यांचा त्यांचा एन्काऊंटर केला तर आम्ही तुम्हाला जाहीर पाठिंबा देऊ”, असे आव्हान संजय राऊत यांनी केले.