लोकसत्ता प्रतिनिधी
सांगली : चालकाचा ताबा सुटल्याने दुभाजकावर मोटार आदळून सोमवारी सायंकाळी झालेल्या अपघातात तीन ठार तर एक जण गंभीर जखमी झाले. रत्नागिरी-सोलापूर राष्ट्रीय महामार्गावरील शिरढोण (ता. कवठेमहांकाळ) येथील उड्डाणपूलावर हा अपघात झाला असून अपघातग्रस्त कोल्हापूरचे आहेत.
आणखी वाचा-सोलापूर : कॉन्व्हेंट शाळेतील वादातून विद्यार्थ्यांना पोलीस ठाण्यात नेणाऱ्या दोन महिला पोलीस निलंबित
याबाबत माहिती अशी, कोल्हापूर येथील जाधव कुटुंबातील सूर्यकांत जाधव, गौरी जाधव, युवराज जाधव, व प्रशांत चिले हे पंढरपूर येथे देवदर्शनासाठी गेले होते. पंढरपूरहून ते कोल्हापूरला मोटारीने (एम एच ०९ जी एफ ८३२३) येत असताना शिरढोण गावच्या हद्दीत चालकाचा ताबा सुटल्याने मोटार उड्डाणपूलावरील दुभाजकावर आदळली. यामध्ये जाधव कुटुंबातील एका महिलेसह तिघे जागीच ठार झाले. तर प्रशांत चिले हे गंभीर जखमी झाले. जखमी चिले यांना मिरज येथील शासकीय रुग्णालयात उपचारासाठी दाखल करण्यात आले आहे. या अपघाताची नोंद पोलिसात झाली असून अधिक तपास पोलीस निरीक्षक संदीप कोळेकर करीत आहेत.
