रायगड: घोणसे घाटात खासगी बस दरीत कोसळली; दोघे जागीच ठार, ३० जखमी

रायगड जिल्‍हयात माणगाव ते श्रीवर्धन मार्गावर घोणसे घाटात भीषण अपघात झाला आहे. एक खासगी बस घोणस घाटात दरीत कोसळली. या अपघातात दोन जण जागीच ठार झाले असून ३० प्रवासी जखमी झाले आहेत. मुंबईतील नालासोपारा इथून प्रवासी घेऊन बोर्ली-श्रीवर्धनकडे निघालेल्‍या खासगी बसला हा अपघात झाला. सकाळी साडेआठ वाजण्‍याच्‍या सुमारास घोणसे घाटात अवघड वळणावर चालकाचे गाडीवरील नियंत्रण सुटल्‍याने हा अपघात झाल्‍याची प्राथमिक माहिती आहे.