भीषण अपघातात तीन ठार; भरधाव टिप्परची दुचाकीला धडक

बुलढाणा-अजिंठा मार्गावरील मढ फाट्याजवळ असलेल्या महानुभाव आश्रमासमोर हा अपघात घडला. गिट्टी घेऊन जाणाऱ्या भरधाव टिप्परने समोरून येणाऱ्या दुचाकीला जोरदार धडक दिली. या भीषण अपघातात दुचाकीवरील ४० वर्षीय पुरुषाचा घटनास्थळीच मृत्यू झाला, तर दोन मुले आणि ३५ वर्षीय महिलेला गंभीर अवस्थेत बुलढाणा येथील जिल्हा सामान्य रुग्णालयात दाखल करण्यात आले.

डॉक्टरांनी तपासणी करून दोन्ही मुलांना मृत घोषित केले. महिलेला पुढील उपचारासाठी अकोला येथे पाठवण्यात आले आहे. वृत्त लिहिस्तोवर मृत व जखमींची नावे कळली नव्हती.