तीन लाख भाविक दाखल,६५ एकर जागेत मुक्काम, कडक बंदोबस्त
माघी एकादशी यात्रेनिमित्त पंढरीत जवळपास ३ लाख भाविक दाखल झाले आहेत. टाळ-मृदंगाचा गजर आणि ग्यानबा- तुकारामाच्या जयघोषाने पंढरी नगरी दुमदुमुन गेली आहे.
वारकरी सांप्रदायात आषाढी, काíतकी, माघी आणि चत्री वारीला अनन्यसाधारण महत्त्व आहे.यंदाच्या माघी यात्रेसाठी भाविक मोठय़ा संखेने दाखल झाले आहेत. या यात्रेसाठी प्रशासन सज्ज झाले आहे. चंद्रभागेच्या पलतीरावरील ६५ एकर जागेत जवळपास १ लाख ८० हजार भाविक मुक्कामी आहेत. या ६५ एकर जागेत भाविकांसाठी राहण्याची,पिण्याच्या पाण्याची,शौचालय,वीज, दवाखाना, स्वच्छता,पोलीस बंदोबस्त आदी सुविधा पुरवल्या जात आहे. या जागेत विविध ठिकाणाहून आलेल्या जवळपास ५६० िदडी मुक्कामी आहेत. जिल्हाधिकारी तुकाराम मुंढे यांच्या संकल्पनेतून ६५ एकर जागेवर भाविकांच्या राहण्याची व्यवस्था केली जात आहे. यामुळे शहरातील भाविकांची गर्दी कमी झाली आहे. उच्च न्यायालयाने वाळवंटात राहण्यास मनाई केली आहे. या मुळे प्रशासनाने वारकऱ्यांची राहण्याची व्यवस्था ६५ एकर जागेत केली आहे.
श्री विठ्ठल रुक्मिणी मंदिर समितीने भाविकांना जलद दर्शन व्हावे या करीता विशेष उपाय योजना केल्या आहेत. एका मिनिटात जवळपास २५ ते ३० भाविक दर्शन घेऊन मंदिरातून बाहेर पडतील, अशी व्यवस्था केली असल्याचे मंदिर समितीचे कार्यकारी अधिकारी शिवाजी कादबाने यांनी सांगितले.
पालिकेच्यावतीने स्वच्छता आणि वारकऱ्यांसाठी शौचालयाची उभारणी करण्यात आली आहे. मात्र शहरातील मुख्य रस्त्यावरील अतिक्रमणे काढण्यात पालिकेला यश आले नाही. पालिकेचे अतिक्रमण पथक पुढे गेले की पुन्हा रस्त्यावर अतिक्रमण होत असल्याचे चित्र आहे. यामुळे भाविकांना नाहक त्रास सहन करावा लागत आहे.दरम्यान,चंद्रभागा नदीला पुरेसे पाणी असल्याने भाविकांना स्नानाचा आनंद घेता येत आहे. एकंदरीत माघी यात्रे निमित्त भाविकांच्या गर्दीने पंढरी दुमदुमुन गेली आहे .
कडक बंदोबस्त
यात्रा काळात कोणताही अनुचित प्रकार होऊ नये म्हणून पोलीस बंदोबस्तात वाढ केली आहे. जवळपास १८०० अधिकारी आणि कर्मचारी या काळात बंदोबस्तासाठी तनात केल्याची माहिती पोलीस निरीक्षक किशोर नावंडे यांनी दिली. मंदिर समितीच्या वतीने मंदिर,दर्शन रांग आणि परिसरात जवळपास ५९ सी.सी टीव्ही बसविण्यात आले आहेत. तसेच व्हाईट आर्मी,नातेपुते कमांडो तनात केले आहेत. यंदाच्या वर्षी दर्शन रांगेत महिलांच्या संरक्षणासाठी महिला गार्ड तनात केले असल्याची माहिती दिली.
जिल्हाधिकाऱ्यांच्या हस्ते महापूजा
माघी एकादशीची शासकीय महापूजा जिल्हाधिकारी तथा श्री विठ्ठल रुक्मिणी मंदिर समितीचे प्रमुख तुकाराम मुंढे यांच्या हस्ते होणार आहे. दरवर्षी ही पूजा मुख्यमंत्री किंवा कुणा मंत्र्यांच्या हस्ते केली जाते. यंदा हा मान जिल्हाधिकारी तथा मंदिर समितीचे सभापती तुकाराम मुंढे यांना देण्यात आला आहे. उद्या पहाटे ४ वाजता ही महापूजा होणार असल्याची माहिती मंदिर समितीचे व्यवस्थापक विलास महाजन यांनी दिली.