पुढील तीन दिवस कुस्तीप्रेमींसाठी मेजवानी, धाराशिवमध्ये महाराष्ट्र केसरीचा थरार

आदर्श शिक्षण प्रसारक मंडळाचे अध्यक्ष सुधीर पाटील यांनी माध्यमांशी बोलताना ही माहिती दिली. यावेळी राष्ट्रवादी काँग्रेसचे जिल्हाध्यक्ष संजय पाटील दुधगावकर, बसवेश्वर पतसंस्थेचे अध्यक्ष श्रीकांत साखरे, शिवसेनेचे जिल्हाप्रमुख सूरज साळुंके आदी उपस्थित होते. सुधीर पाटील म्हणाले, की प्रामुख्याने कुस्तीपंढरी म्हणून कोल्हापूर, सांगली, सातारा परिसर ओळखला जातो. त्यातही कोल्हापूर तर या क्रीडा प्रकाराची राजधानी आहे. लातूर व उस्मानाबाद जिल्हा एक असताना १९६९ मध्ये अशी स्पर्धा उस्मानाबाद जिल्ह्यातील लातूरमध्ये झाली होती. त्यानंतर हे दोन्ही जिल्हे वेगळे झाले. धाराशिव शहरात अशी स्पर्धा इतिहासात पहिल्यांदाच होत आहे. कुस्तीगीर परिषदेने दाखविलेला विश्वास आम्ही सार्थ करणार आहोत. सर्वपक्षीय तसेच अनेक क्रीडा प्रेमी, क्रीडा संस्थांच्या सहयोगाने नियोजन तडीस नेले जात आहे. शासकीय अधिकारीही त्यासाठी योगदान देत आहेत. गुरूवारी सर्व मल्ल दाखल होतील. तर शुक्रवारी सायंकाळी ६ वाजता उद्घाटन होणार आहे. माती व गादी असे दोन्हींचे प्रत्येकी १० गट आहेत. जवळपास ५५ ते ६० स्पर्धा होणार आहेत. पालकमंत्री तानाजी सावंत, क्रीडामंत्री संजय बनसोडे, जिल्ह्यातील खासदार तसेच सर्व आमदार यांच्या उपस्थितीत उद्घाटन होणार आहे.

आणखी वाचा

प्रियंका गांधी यांची प्रतीक्षाच, पण बघ्यांची मोठी गर्दी

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

प्रियंका गांधींचा आज नागपुरात या दोन ठिकाणी ‘रोड-शो’

मुंबई: पंतप्रधान नरेंद्र मोदी यांच्या सभेसाठी वाहतुकीत बदल

शिवाजी पार्क मैदानवरील सभेच्या परवानगीचा निर्णय आता नगरविकास विभागाकडे

सांगलीत दादा घराण्याच्या प्रतिष्ठेचा प्रश्न

प्रचारातून विकासाचे मुद्दे हद्दपार, जातीय राजकारण, बंडखोरी व मतविभाजनाचे गणितच चर्चेत; सर्वसामान्यांचे जिव्हाळ्याच्या प्रश्नांना बगल

मुक्कामपोस्ट बोंबिलवाडीची ‘लाडकी जनता योजना!’, पोस्ट होतेय व्हायरल, काय आहे ही योजना? वाचा…

आणखी वाचा-“मनोज जरांगेंच्या मागून कोणीतरी…” मराठा-ओबीसी संघर्षावर राज ठाकरेंचं सूचक वक्तव्य

या चार दिवसांत मुख्यमंत्री एकनाथ शिंदे, उपमुख्यमंत्री देवेंद्र फडणवीस, महाराष्ट्र राज्य कुस्तीगीर परिषदेचे अध्यक्ष खासदर शरद पवार, खासादर सुप्रिया सुळे, खासादर छत्रपती उदयनराजे, माजी खासादर संभाजीराजे छत्रपती, मालोजीराजे छत्रपती, तुळजाभवानी देवीचे महंत यांसह विविध पक्षांचे प्रमुख नेते, मंत्री, खासदार, आमदार उपस्थित राहणार आहेत.

महिलांसाठी स्वतंत्र व्यवस्था, ६५ हजार प्रेक्षकांची गॅलरी

धाराशिव शहरातील तुळजाभवानी क्रीडा संकुलात ही स्पर्धा होत असून ६५ हजार प्रेक्षक क्षमतेची गॅलरी आकारास आली आहे. महाराष्ट्र केसरी किताबासाठी सोमवारी सायंकाळी चार वाजता अंतिम लढत होणार आहे. या स्पर्धेचा उत्साहपूर्ण थरार माता-भगिनींनाही अनुभवता यावा यासाठी एक स्वतंत्र प्रेक्षागॅलरी उभारण्यात आली आहे. साधारणपणे दोन हजार महिलांच्या आसनांची व्यवस्था त्याठिकाणी करण्यात आली असल्याचेही सुधीर पाटील यांनी सांगितले.