तिलारी कालव्याला भगदाड; गोव्याचा पाणी पुरवठा बंद राहणार

तिलारी प्रकल्पाचा कालवा फुटण्याचे प्रकार काही केल्या थांबेनासे झाले आहेत. जसं आभाळ फाटलं तर ठिगळ कुठं लावणार असं बोललं जातं अगदी तशीच अवस्था सध्या तिलारी कालव्यांची झाली आहे. त्यामुळं ३०ते ४० वर्षांपूर्वी बांधलेल्या या संपूर्ण कालव्यांचे नूतनीकरण करणं हीच काळाची गरज आहे. शनिवारी सकाळीच तिलारी पाटबंधारे प्रकल्पाच्या गोव्याला जाणाऱ्या डाव्या कालव्याला कुडासे भोमवाडी येथे भले मोठे भगदाड पडले. लाखो लिटर पाणी या भागदाडाने बाहेर पडून तेथील शेतकऱ्यांच्या शेती बागयतीत घुसून नुकसान झाले. तर कुडासे रस्त्याला सुद्धा कालव्याच्या पाण्याने नदीचे स्वरूप प्राप्त झाले.

आणखी वाचा

सत्तेमुळे सुखासीन झाल्यास जनतेशी द्रोह ठरेल! मुख्यमंत्री देवेंद्र फडणवीस यांचे परखड मतप्रदर्शन

Ravindra Chavan : ‘उपरा’ डोंबिवलीकर ते भाजप प्रदेश…

मानव-वन्यजीव संघर्ष कमी करण्याचा मार्ग चंद्रपुरातूनच – वनमंत्री

राष्ट्रीय उद्यान लुप्त होईल… अतिक्रमणांवर कारवाई न केल्यावरून उच्च न्यायालयाची सरकारवर टीका

नवी मुंबई एमआयडीसीतील सेवा रस्ता लगतचे भूखंड देणे घातक, वनमंत्री गणेश नाईक यांचे विधान

विश्लेषण : औष्णिक विद्याुत प्रकल्पातील राख व्यवस्थापनाचा मुद्दा चर्चेत का आला?

आक्रमणे आणि अनास्थेमुळे भारताच्या ऐतिहासिक वारशाचा ऱ्हास – देवेंद्र फडणवीस, डॉ. भाऊ दाजी लाड संग्रहालयाचे नूतनीकरण

बार्शीजवळ गोठ्यात पाणी प्यायल्यानंतर २७ शेळ्यांचा मृत्यू

आणखी वाचा-पद्मश्री राहीबाईं पोपरे यांची बीज राखीच्या रूपाने आनोखी भेट…

दरम्यान ही घटना समजताच तिलारी प्रकल्पाचे कार्यकारी अभियंता विनायक जाधव यांनी घटना स्थळी भेट देऊन कालव्याचे पाणी तात्काळ बंद केले. त्यानंतर कालव्याची व नुकसानीचीही पाहणी केली. या ठिकाणी तात्काळ उपाययोजना करुन कालव्याचे काम करण्यात येणार असल्याचेही माहिती यावेळी जाधव यांनी दिली.

गोवा व महाराष्ट्र यांच्या सयुक्त विद्यमाने उभारलेल्या तिलारी प्रकल्पाच्या गोव्याला जाणाऱ्या डाव्या कालव्याला शनिवारी सकाळी भगदाड पडून मोठी दुर्घटना घडली आहे. कुडासे भोमवाडी येथे गतवर्षी कोट्यावधी रुपये खर्च करून कालव्याचे काम करण्यात आले होते. एक वर्ष पूर्ण होण्या अगोदरच हा कालवा फुटण्याची घटना आज शनिवारी घडली. यावेळी भेडशी, कुडासे या रस्त्याला नदीचे स्वरूप प्राप्त झाले होते. दरम्यान लगतच्या शेती बागायतीत कालव्याचे लाखोलीटर पाणी घुसल्याने तेथील शेतकऱ्यांचे मोठे नुकसान झाले.

आणखी वाचा- रायगड: मांडवा – गेटवे जलवाहतूक १ सप्टेंबरपासून सुरू होणार, गणेशोत्सवासाठी येणाऱ्या चाकरमान्यांना दिलासा

दरम्यान गोव्याला जाणाऱ्या डाव्या कालव्याला भगदाड पडल्याने महिनाभर कालव्याचे पाणी बंद राहण्याची शक्यता आहे. त्यामुळे गोव्याला जाणारे पाणी बंद राहिले तर येथील गोवा पर्वरी, बार्देश येथील MIDC मध्ये व लोकांच्या पिण्याच्या पाण्याचे मोठे हाल होणार आहेत. असे यावेळी गोवा प्रकल्पचे अधिकारी आनंद पंचवाडकर यांनी सांगितले आहे. दरम्यान त्यांनी घटनास्थळी आज पाहणी करून तसा अहवाल गोवा सरकारला देणार असल्याचे स्पष्ट केले आहे.