रेल्वे रूळ ओलांडण्याच्या प्रयत्नात असणाऱ्या ट्रॅक्टरला पॅसेंजरने धडक दिल्याने ट्रॅक्टर चालक शेतकरी जागीच ठार झाला. शुक्रवारी सकाळी मिरजेनजीक विजयनगर स्थानकाजवळ हा अपघात घडला. रेल्वेच्या धडकेने ट्रॅक्टरचे 6 तुकडे झाले होते.
कल्लू गणपती हेगडे (वय ३२, रा. नरवाड) हा शेतात नांगरणीसाठी ट्रॅक्टर (क्र. एम.एच.१०-एआय-६९४५) घेऊन जात असताना मिरजेहून बेळगावला जाणाऱ्या पॅसेंजर गाडीने विजयनगर स्थानकाजवळ असणाऱ्या विनाचौकीदार गेटवर जोरदार धडक दिली. यामध्ये हेगडे हा जागीच ठार झाला. याबाबत मिरज ग्रामीण पोलीस ठाण्यात अपघाताची नोंद करण्यात आली आहे.
