सनदी अधिकारी सुनील केंद्रेकरांसह सहा अधिकाऱ्यांच्या बदल्या

पुण्याच्या कृषी विभागाचे आयुक्त सुनील केंद्रेकर यांची बदली करण्यात आली आहे. सुनील केंद्रेकर यांना आता पुणे क्रीडा आणि युवक कल्याण विभागाचे आयुक्त म्हणून नेमण्यात आले आहे. पुण्याच्या कृषी विभागाच्या आयुक्तपदी प्रताप सिंह यांची वर्णी लागली आहे. प्रताप सिंह याआधी यवतमाळचे जिल्हाधिकारी म्हणून कार्यरत होते. तर यवतमाळच्या जिल्हाधिकारीपदी राजेश देशमुख यांची वर्णी लागली आहे. राजेश देशमुख यांच्याकडे सातारा जिल्हा परिषदेचे मुख्याधिकारी पद होते. निधी चौधरी यांची नियुक्ती मुंबई महापालिकेचे सहआयुक्त म्हणून करण्यात आली आहे. निधी चौधरी यांच्याकडे आधी पालघरचे मुख्याधिकारीपद होते.

एम. एन बोरीकर हे मुख्यमंत्र्यांचे स्वीय सचिव होते. मात्र त्यांची बदली झाली असून, त्यांना आता पालघरचे मुख्याधिकारीपद देण्यात आले आहे. तर मुख्यमंत्र्याचे उपसचिव के.बी. शिंदे यांचीही बदली झाली असून त्यांच्याकडे आता साताऱ्याच्या मुख्याधिकारी पदाची जबाबदारी देण्यात आली आहे.

आणखी वाचा

पोलिसांच्या मेहनतीची सरकारलाच किंमत नाही; विशेष सुरक्षा तर पुरवली, पण त्याचे ७ कोटी मात्र थकित!

IND vs NZ : ऋषभ पंतच्या वादग्रस्त विकेटवर…

रश्मी शुक्ला यांना महासंचालक पदावरून हटविण्याची मागणी विरोधकांकडून का होतेय? झारखंड पोलीस महासंचालकांचा संदर्भ काय?

विधानसभा निवडणुकीच्या पार्श्वभूमीवर २८ अधिकाऱ्यांच्या बदल्या

अंकुश चिंतामण, हेमंत पाटील यांना, केंद्रीय गृहमंत्री दक्षता पदक

पोलीस उपाधीक्षक रेखा संकपाळ यांना ‘केंद्रीय गृहमंत्री दक्षता पदक’; नागपुरातून बाळ विकणाऱ्या टोळीवर राज्यातील पहिला मकोका

‘फुकट फौजदारां’कडून महागड्या वस्तूंचा वापर, मुंबई उच्च न्यायालयाचे चौकशीचे आदेश

हरकतीनंतरही आमदार रोहित पवार व आमदार राम शिंदे यांचे अर्ज मंजूर; मात्र हरकतीचा मुद्दा न्यायालयात जाणार

या सहाही अधिकाऱ्यांपैकी सुनील केंद्रेकर यांचा लौकिक हा दबंग सनदी अधिकारी म्हणून होता. बीडमध्ये नियुक्त झाल्यावर केंद्रेकर यांनी माजलगाव महामार्गावरची अतिक्रमणे हटवली. स्त्री भ्रूण हत्या प्रकरणांमध्ये उल्लेखनीय कारवाई केली आहे. चारा छावण्या शासकीय नियमांनुसार चालवण्यावर भर दिला होता.