मंगळवेढ्यात नायब तहसीलदारासह दोघे लाच प्रकरणात जेरबंद, उपविभागीय अधिकाऱ्याचीही होणार चौकशी

सोलापूर : अवैध वाळू वाहतूक करताना पकडलेले टाटा मेगा पिकअप वाहन दंड भरल्यानंतर सोडण्यासाठी उपविभागीय अधिकारी आणि स्वतःसाठी लाच घेताना मंगळवेढा उपविभागीय अधिकारी कार्यालयातील नायब तसीलदार आणि महसूल कर्मचाऱ्याला लाचलुचपत प्रतिबंधक विभागाच्या पथकाने सापळा लावून पकडले. त्या दोघांविरूध्द मंगळवेढा पोलीस ठाण्यात गुन्हा दाखल झाला आहे. तर संबंधित उपविभागीय अधिकाऱ्याचीही चौकशी केली जात आहे.

आणखी वाचा

राज्यात जातीय विभाजनाचा प्रयत्न कधीही घडला नव्हता; पृथ्वीराज चव्हाण यांची खंत

Amol Khatal : आठ वेळा आमदार झालेल्या बाळासाहेब…

Chhagan Bhujbal : देवेंद्र फडणवीस यांना मुख्यमंत्री म्हणून राष्ट्रवादीचा पाठिंबा आहे का? छगन भुजबळ म्हणाले, “आमचा विरोध…”

Ajit Pawar : “अरे पठ्ठ्या, तू आमदार कसा होतो तेच बघतो”, अजित पवारांनी खुलं आव्हान दिलेला नेता जिंकला की हरला?

Kangana Ranaut : “महाराष्ट्रात दैत्यांचा पराभव झाला, महिलेचा अपमान..”, निकालानंतर कंगनाची पहिली प्रतिक्रिया

“पंकजाताई तु्म्ही माझ्यासारख्या प्रामाणिक माणसाला गमावलंत”, निवडून येताच भाजपा आमदार सुरेश धस यांची व्यथा

Girish Kuber Election Result Analysis Video: लाभार्थीकरण, धर्माची फोडणी आणि चमचमीत यश; गिरीश कुबेर यांनी सांगितली महायुतीच्या विजयाची ‘रेसिपी’!

Devendra Fadnavis : “मी देवेंद्र गंगाधरराव फडणवीस, ईश्वर साक्ष….”; महाराष्ट्राला हे चित्र पुन्हा दिसणार? कोण होणार महायुतीचा मुख्यमंत्री?

नायब तहसीलदार प्रकाश विश्वनाथ सगर (वय ५५) आणि महसूल सहायक विवेक विठ्ठल ढेरे (वय ३२) या दोघांना या लाच प्रकरणात अटक करण्यात आली आहे. मंगळवेढ्यात उपविभागीय अधिकारी कार्यालयातच ही कारवाई झाली.

आणखी वाचा-तरूणांतील व्यसनाधीनता रोखण्यासाठी श्रध्दा व संस्काराची गरज, सरसंघचालकांचे सोलापुरात सिध्देश्वर दर्शन

यातील तक्रारदाराचे टाटा मेगा पिकअप वाहन २०२० साली अवैध वाळू वाहतूक करताना सांगोला तहसीलदारांनी पकडला होता. त्यावर एक लाख ३७ हजार ६८४ रूपये दंडाची आकारणी झाली होती, त्यानुसार तक्रारदाराने शासकीय चलनाद्वारे दंडाची रक्कम भरली होती. जप्त केलेले वाहन सोडण्यासाठी मंगळवेढ्याच्या उपविभागीय अधिकाऱ्यांची परवानगी आवश्यक असल्यामुळे तक्रारदाराने त्यानुसार तेथे अर्ज केला होता. मात्र वाहन सोडण्यासाठी तेथीला नायब तहसीलदार सगर आणि महसूल सहायक ढेरे यांनी स्वतःसाठी आणि उपविभागीय अधिकारी (मंगळवेढा) यांच्यासाठी २० हजार रूपयांची लाच मागितली. तडजोडीत १० हजार रूपयांची लाच देण्याचे ठरले.

दरम्यान, याबाबत तक्रारदाराने लाचलुचपत प्रतिबंधक विभागाच्या सोलापूर कार्यालयात दाद मागिताली. त्यानुसार पडताळणी होऊन मंगळवेढ्यात उपविभागीय अधिकारी कार्यालयात सापळा लावण्यात आला. याच पाच हजार रूपयांचा लाचेचा पहिला हप्ता स्वीकारताना पोलीस उपअधीक्षक गणेश कुंभार व पोलीस निरीक्षक उमाकांत महाडिक यांच्या पथकाने ही कारवाई केली.