खंडाळ्यात वादळी पाऊस; दोघांचा मृत्यू

खंडाळा तालुक्यात आज दुपारी जोरदार वादळी वारे आणि ढगांचा गडगडाट सुरु असताना शेतात काम करणा-या दोघांचा वीज पडून मृत्यू झाला. ही घटना धावडवाडी, ता. खंडाळा येथे दुपारी साडेतीनच्या दरम्यान घडली. यात एक महिला आणि एका युवकाचा समावेश आहे. द्वारकाबाई तुकाराम बिचुकले (वय ५५, रा. अहिरे) व निखिल चंद्रकांत शिंदे (वय, २२, रा. हरळी) हे दोघेही टोमॅटोच्या शेतात काम करीत होते. दुस-या एका घटनेत पाटखळमाथा येथे झाडावर वीज पडून नऊ शेळ्या, तसेच एक गाय जागीच ठार झाली.