शेततळ्यात बुडून दोन शाळकरी मुलांचा मृत्यू

ते दोघेही नांदुरा खुर्द शेत शिवारातील एक शेतकऱ्याच्या शेतात खत टाकण्यासाठी गेले होते . काम संपवून घरी परत येत असताना त्यांना पाण्याने भरलेले शेततळ दिसले. त्यांना पोहण्याचा मोह आवरला नाही. शेततळ्यात मोठ्या प्रमाणात गाळ असल्याने त्यात ते अडकले. दोघेही पाण्याच्या बाहेर न आल्याने त्यांच्यासोबत असलेल्या इतर मुलांनी ही माहिती गावकऱ्यांना दिली. नागरिकांनी घटनास्थळी तत्काळ धाव घेवून शेततळ्यात बुडालेल्या मुलांना बाहेर काढले. मात्र तो पर्यंत दोघांचाही मृत्यू झाला होता.