खेड : मुंबई येथून गणेशोत्सवासाठी कोकणात जाणाऱ्या दोन एसटी बस कंटेनरवर धडकल्या. कशेडी बोगद्यात बाईकला वाचवण्यासाठी कंटेनर चालकाने अचानक ब्रेक मारल्यामुळे प्रवाशांनी फुल भरलेल्या दोन बस एकमेकांवर आदळल्या. या अपघातात कोणतीही जिवितहानी झाली नाही.
हे ही वाचा… मुंबई- गोवा महामार्गावर वाहतूक कोंडी, कोकणात जाणारे गणेश भक्त लोणेरे जवळ अडकले
गणेशोत्सव अवघ्या दोन दिवसांवर आला आहे. चाकरमान्यांची कोकणातील गावात जाण्यासाठी लगबग दिसून येत आहे. अशातच कशेडी घाटात गावाकडे कोकणात निघालेल्या दोन बसचा अपघात झाल्याची घटना घडली आहे. या दोन्ही बसमध्ये ८० प्रवासी असल्याचे सांगण्यात येत आहे. या अपघतात सुदैवानं कोणतीही जीवीतहानी झालेली नसून सर्व प्रवासी सुखरुप असल्याची माहिती मिळत आहेत. अपघाताची माहिती मिळताच खेड पोलीस घटनास्थळी दाखल झाले. त्यांनी घटनास्थळाचा पंचनामा केला. अपघातग्रस्त बसमधील प्रवाशांना दुसऱ्या बसमधून रवाना करण्यात आले.
