दापोलीतील सडवे येथे मासे पकडायला गेलेल्या दोन युवकांचा बुडून मृत्यू

मिळालेल्या प्राथमिक माहितीनुसार, सुजीत सुभाष घाणेकर (वय २५) आणि आयुष अनिल चिनकटे (वय २१) असे दोघे सडवे येथील जालगांव पाणी योजनेच्या ठिकाणी प्रथम गेले होते. मात्र जालगांव ग्रामपंचायतीचे पंप हाऊस कर्मचाऱ्यांनी तेथे जाण्यास रोखल्यामुळे ते दोघे गंभीर डोह येथे सायंकाळी पाचच्या सुमारास गेले. तेथे पाय घसरून पाण्यात पडले. पाणी खोल असल्याने नाका तोंडात पाणी गेल्याने ते दोघे बुडाले. सायंकाळी उशिरा या दोन युवकांचे मृतदेह सापडले.

आणखी वाचा-राज्याच्या पोलीस महासंचालकपदी नियुक्त करण्यात आलेले संजय वर्मा कोण आहेत? जाणून घ्या…

दोन्ही मृतदेह मिळाल्यानंतर तातडीने शवविच्छेदनासाठी दापोली उपजिल्हा रुग्णालयात आणण्यात आले असून शवविच्छेदन करुन ताब्यात देणार आहे. या प्रसंगामुळे दिवाळी संपताच सडवे गावावर शोककळा पसरली आहे.