“चंद्रकात पाटलांनी बोलण्याआधी…”, ‘त्या’ वक्तव्यावरून उदय सामंतांचं थेट विधान!

दरम्यान, सत्ताधारी पक्षातील शिंदे गटाचे नेते उदय सामंत यांनी चंद्रकांत पाटलांच्या विधानाचा विरोध केला आहे. आम्ही कुणीही चंद्रकांत पाटलांच्या विधानाशी सहमत नाही. बाबरी प्रकरणात बाळासाहेब ठाकरे यांच्याबद्दल बोलताना चंद्रकांत पाटलांनी माहिती घेऊन बोलायला हवं होतं, अशी प्रतिक्रिया उदय सामंत यांनी दिली आहे. ते मुंबई येथे प्रसारमाध्यमांशी संवाद साधत होते.

आणखी वाचा

‘बटेंगे तो कटेंगे’ असे वक्तव्य करणारे याेगी आदित्यनाथ यांचा आता ‘हा’ नारा

महायुतीला सत्ता मिळाली, लाडक्या बहिणींना २१०० रुपये कधीपासून…

Ajit Pawar: ‘नायतर आम्हाला कुत्रं विचारणार नाही’, भरसभेतच अजित पवार भडकले, पोलिसांवर व्यक्त केला संताप

“महेश लांडगे यांचा कुणी बालही बाका करू शकत नाही”, असं देवेंद्र फडणवीस का म्हणाले?

“विरोधकांनी योजनांसह वचननामाही चोरला…”, मुख्यमंत्री एकनाथ शिंदेंची अंबरनाथमध्ये टीका

फोडाफोडीच्या राजकारणामुळे फडणवीसांची विश्वसनीयता कमी; सुप्रिया सुळे

“महायुतीत मिठाचा खडा टाकू नका”, मुख्‍यमंत्री एकनाथ शिंदे, उपमुख्‍यमंत्री अजित पवारांनी रवी राणांना खडसावले

हेही वाचा- महाविकास आघाडीतील खदखद चव्हाट्यावर? उद्धव ठाकरे शरद पवारांच्या भेटीसाठी दाखल, चर्चांना उधाण

चंद्रकांत पाटलांच्या विधानाचा विरोध करताना उदय सामंत म्हणाले, “भाजपा नेते चंद्रकांत पाटील हे आमचे ज्येष्ठ सहकारी आहेत. पण काल त्यांनी जे विधान केलंय, त्याच्याशी आम्ही कुणीही सहमत नाही. मुख्यमंत्री आणि इतर मंत्रीही सहमत नाहीत. तसेच बाळासाहेब ठाकरेंच्या शिवसेनेत काम करणारा कोणताही शिवसैनिक त्यांच्या मताशी सहमत नाही.”

हेही वाचा- ‘त्या’ विधानांवरून शरद पवारांनी उद्धव ठाकरेंसह फडणवीसांना सुनावलं, म्हणाले…

“बाबरी मशीद पाडल्यानंतर कुणा-कुणावर गुन्हे दाखल झाले, हे आपल्याला माहीत आहे. एकूण ४९ लोकांवर गुन्हे दाखल झाले होते. यामध्ये स्वत: बाळासाहेब ठाकरे, सतीश प्रधान, यूपीचे त्यावेळीचे राज्यप्रमुख अलोककुमार पांडे, अशोक सिंघल, लालकृष्ण आडवाणी असे अनेक नेते होते. त्यामुळे चंद्रकांत पाटील हे आमचे ज्येष्ठ सहकारी असले तरी त्यांनी बोलण्याआधी थोडी माहिती घ्यायला हवी होती. बाळासाहेब ठाकरे हे बाबरी मशिदीच्या पाडावात नव्हते, हे सांगणं उचित नाही,” असंही उदय सामंत म्हणाले.

हेही वाचा- “बाबरी पाडताना तिथे प्रत्यक्ष शिवसैनिक कुणी नव्हतं, ती मशीद….”, ‘त्या’ विधानावर चंद्रकांत पाटलांचं स्पष्टीकरण

“कारण ज्यावेळी बाबरी किंवा राम मंदिराचा मुद्दा सुरू झाला. तेव्हा लालकृष्ण आडवाणी यांनी बाळासाहेब ठाकरेंची भेट घेतली. देशात सगळ्यात आधी त्यांनीच राम मंदिर यात्रेचं समर्थन केलं. त्यामुळे चंद्रकांत पाटलांनी काल बाबरी मशिदीच्या बाबतीत बाळासाहेब ठाकरेंचा काही संबंध नव्हता, असं वक्तव्य केलं होतं. पण याच्याशी आम्ही कुणीही सहमत नाही,” अशी प्रतिक्रिया उदय सामंत यांनी दिली.