उदयनराजे भोसले पुन्हा राष्ट्रवादीत जाणार? अजित पवारांसोबत भेटीनंतर केलेल्या विधानामुळे तर्क-वितर्कांना उधाण; म्हणाले, “माझ्या मते…”!

उदयनराजे भोसले यांनी अजित पवार यांची भेट घेतल्यानंतर त्यासंदर्भात माध्यमांशी संवाद साधला. यावेळी साताऱ्यातील विकास कामांविषयी आपली अजित पवारांशी चर्चा झाल्याचं उदयनराजे भोसले यांनी सांगितलं. “अजित पवारांसोबत विकास कामांबाबत चर्चा झाली. विकासकामांसाठी निधी उपलब्ध करून देण्यासंदर्भात अजित पवारांना विनंती केली”, असं ते म्हणाले.

आणखी वाचा

‘बटेंगे तो कटेंगे’ असे वक्तव्य करणारे याेगी आदित्यनाथ यांचा आता ‘हा’ नारा

महायुतीला सत्ता मिळाली, लाडक्या बहिणींना २१०० रुपये कधीपासून…

प्रियंका गांधीना लोकशाहीचा आदर नाही,कंगना रानौतची टीका..

योगी आदित्यनाथ म्हणाले “काँग्रेस नेतृत्वातील ‘मविआ’ची नियत साफ नाही”

विदर्भात अजित पवारांची भाजपकडून कोंडी

Nitin Gadkari: ‘भाजपाचं पिक वाढलंय, त्यावरही फवारणी करण्याची गरज’, नितीन गडकरींचा इशारा कुणाकडे?

साताऱ्यात शरद पवारांच्या राष्ट्रवादीची अस्तित्वासाठी लढाई

घरवापसी होणार का?

दरम्यान, यावेळी उदयनराजे भोसले यांना पत्रकारांनी राष्ट्रवादी काँग्रेसमधील घरवापसीविषयी देखील विचारणा केली. पुन्हा राष्ट्रवादी काँग्रेसमध्ये जाणार का? अशी विचारणा केली असता उदयनराजे भोसलेंनी दिलेलं उत्तर अनेक तर्क-वितर्कांना उधाण देणारं ठरलं आहे. या प्रश्नानंतर काही सेकंदांचं मौन धरल्यानंतर त्यांनी उत्तर दिलं. “शिवाजी महाराजांचं जसं सर्वधर्म समभाव हे धोरण होतं, तसंच माझंही धोरण सर्व पक्षीय समभाव असं आहे”, असं उदयनराजे म्हणाले.

वाईन विक्रीबाबतच्या निर्णयावर खोचक प्रतिक्रिया

दरम्यान, यावेळी बोलताना उदयनराजे भोसले यांनी वाईन विक्रीबाबत राज्य सरकारने घेतलेल्या निर्णयावर खोचक प्रतिक्रिया दिली आहे. “याविषयी लोकशाही व्यवस्थेत निवडून दिलेले प्रतिनिधी उत्तर देतील. राजेशाही असती, तर मी उत्तर दिलं असतं”, असं उदयनराजे भोसले म्हणाले आहेत. “प्रत्येकाचं वैयक्तिक आयुष्य असतं. एकदा व्यक्ती सज्ञान झाली की काय करायचं हा निर्णय त्या व्यक्तीने घ्यायचा असतो. वाईन विक्री बंद करा किंवा सुरू ठेवा, लोकांनीच आपल्या शरीराचा वा आरोग्याचा विचार करायला हवा”, असं देखील उदयनराजे भोसले म्हणाले.