Uddhav Thackeray ties Raj Thackeray: उद्धव ठाकरे आणि राज ठाकरे एकत्र येणार? अंबादास दानवे म्हणाले, “पराभव झाला की…”

Uddhav Thackeray ties Raj Thackeray: विधानसभा निवडणुकीनंतर धक्कादायक निकास समोर आलेले आहेत. महायुती वगळता इतर कोणत्याही पक्षाला पुरेसे यश मिळालेले नाही. महाविकास आघाडीमधील तीनही घटक पक्षांचा दारूण पराभव झाला. तर मनसे आणि वंचित बहुजन आघाडीसारख्या पक्षांना १०० हून अधिक जागा लढवूनही एकही आमदार निवडून आणता आलेला नाही. मनसेची स्थापना झाल्यापासून प्रथमच विधानसभेत मनसेचा एकही आमदार नसणार आहे. तर दुसरीकडे शिवसेना (ठाकरे) पक्षाचीही मोठी पिछेहाट झाली आहे. उद्धव ठाकरेंनी ९५ जागांवर निवडणूक लढविली होती. मात्र त्यांना केवळ २० जागा जिंकण्यात यश आले. तसेच आता मविआमधून आपण बाहेर पडले पाहीजे, अशी मागणी उद्धव ठाकरेंकडे शिवसेनेचे नेते करत आहेत. तर दुसरीकडे भाजपाला पाठिंबा देऊनही मनसेला यश मिळालेले नाही. त्यामुळे दोन्ही ठाकरे बंधूसाठी आता एकत्र येण्याची योग्य वेळ असल्याची चर्चा पुन्हा एकदा राजकीय वर्तुळात सुरू झाली आहे. यावर विधानपरिषेदेचे विरोधी पक्षनेते अंबादास दानवे यांनी स्पष्ट मत नोंदविले आहे.

हे वाचा >> अग्रलेख: ठाकरे + ठाकरे

आणखी वाचा

Uddhav Thackeray: “मिंध्या तू मर्दाची…”, एकनाथ शिंदेंवर टीका करताना उद्धव ठाकरेंचं आक्षेपार्ह विधान; वाचा काय म्हणाले?

Voter Turnout Increase: ‘शेवटच्या तासात लाखोंच्या संख्येने मतदान…

Uddhav Thackeray : “जरा डोक्याला ब्राह्मी तेल लावा, मग…”, उद्धव ठाकरेंची अमित शाह यांच्यावर बोचरी टीका

Uddhav Thackeray: “पंकजाताई मुंडे तुझे धन्यवाद…”, उद्धव ठाकरेंनी केलं कौतुक; म्हणाले, ‘तुम्ही महाराष्ट्राच्या डोळ्यावरची पट्टी काढली’

Uddhav Thackeray : “राज ठाकरेंशी युती करणं शक्यच नाही, महाराष्ट्र द्रोही..”, उद्धव ठाकरेंचं वक्तव्य

Raj Thackeray: “निकालांनंतर महाराष्ट्रात सरप्राईज मिळतील”, राज ठाकरेंचं सूचक विधान; नेमकं राज्यात काय घडणार आहे?

Raj Thackeray: राज ठाकरेंनी सांगितली लोकसभेत भाजपाच्या पीछेहाटीची दोन कारणं; म्हणाले, “तेव्हा भाजपाचा एक उमेदवार…”!

काय म्हणाले अंबादास दानवे?

ठाकरे ब्रँड पुन्हा एकत्र येणार अशा चर्चा सुरू आहेत, यावर आपल्याला काय वाटते? असा प्रश्न दानवे यांना विचारण्यात आला होता. त्यावर ते म्हणाले, “निवडणुकीत पराभव झाला की, अशा चर्चा सुरू होतात. मागच्या निवडणुकांवरही नजर टाकल्यास लक्षात येईल की, निकालानंतर काही दिवस अशी चर्चा रंगते. त्यानंतर ती चर्चा मागे पडते. पण एकत्र यायचे की नाही, याबद्दल ते दोन नेतेच ठरवू शकतात. त्यात आम्ही काहीच बोलू शकत नाही.”

राज ठाकरेंची भूमिका संदिग्ध

अंबादास दानवे पुढे म्हणाले, “राज ठाकरेंची भूमिका कुणालाच कळलेली नाही. ते सरकारच्या विरोधात होते की, सरकारच्या बाजूने होते? सरकारच्या बाजूने असतील तर त्यांच्याच विरोधात निवडणुकीला उभे राहिले आणि विरोधात असतील तर त्यांनीच देवेंद्र फडणवीस यांना मुख्यमंत्री पदासाठी पाठिंबा दिला. त्यामुळे जनतेनेही आपला निर्णय घेतला. यातून राज ठाकरेंनी योग्य तो धडा घ्यावा.”