“धनुष्यबाण गोठवलं अन् उद्धव ठाकरेंना अश्रू…”, भास्कर जाधवांच्या भाषणामुळे शिवसैनिकही हळहळले

शिवसेनेच्या महाप्रबोधन यात्रेची सुरुवात रविवारी ( ९ ऑक्टोबर ) मुख्यमंत्री एकनाथ शिंदेंचा बालेकिल्ला ठाण्यातून झाली. ठाण्यातील गडकरी रंगायतन सभागृहात खासदार विनायक राऊत, खासदार राजन विचारे, शिवसेना उपनेत्या सुषमा अंदारे यांनी जोरदार भाषण केले. चिन्ह गोठवल्यावर ‘मातोश्री’वर शिवसेना नेत्यांची बैठक बोलवण्यात आली होती. त्यापूर्वी शिवसेना प्रमुख उद्धव ठाकरे भावूक झाल्याचं भास्कर जाधव यांनी सांगितलं.

आणखी वाचा

Raj Thackeray : “शिवसेना उबाठाच्या होर्डिंगवर जनाब बाळासाहेब ठाकरे…”, राज ठाकरेंचा संताप; एकनाथ शिंदेंनाही सुनावलं

६ नोव्हेंबर पंचांग: चारचौघात कौतुक, अचानक धनलाभ, जन्मराशीनुसार…

डोंबिवलीत राज ठाकरे यांच्या सभेच्या दिवशी बेशिस्तीने वाहने चालविणाऱ्या १९ वाहनचालकांवर गुन्हे

“उद्धव ठाकरेंसारखा माणूस राजकारणात सापडणार नाही”, सदा सरवणकरांच्या नावाने पोस्ट व्हायरल; स्वत: स्पष्टीकरण देत म्हणाले…

Uddhav Thackeray : “अपक्ष किंवा बंडखोरांनी अर्ज मागे घेतले नाहीत तर…”, उद्धव ठाकरेंचा इशारा

अमित ठाकरेंचा मार्ग मोकळा? सदा सरवणकरांचे माघारीचे संकेत? म्हणाले, “कार्यकर्त्यांशी बोलून पुढचा निर्णय…”

Zeeshan Siddique : “मविआने मला शब्द दिला होता आणि उद्धव ठाकरेंनी..”; झिशान सिद्दिकी काय म्हणाले?

Amit Thackeray : “धनुष्यबाण आणि पक्षनाव घेऊन एकनाथ शिंदेंनी चूक केली”, शिवसेनेतील बंडखोरीवरील अमित ठाकरेंची प्रतिक्रिया चर्चेत!

हेही वाचा – “४० डोक्याच्या रावणाने रामाचं धनुष्यबाण गोठवलं”, उद्धव ठाकरेंचा शिंदे गटावर हल्लाबोल; म्हणाले, “उलट्या काळजाच्या…”

“…पण उद्धव ठाकरेंनी जिद्द सोडली नाही”

भास्कर जाधव म्हणाले, “उद्धव ठाकरेंवर अनेक संकट आली, कधी डगमगले नाहीत. नात्या गोत्यातले, घरातले लोक संधी साधून बसले आहेत, पण उद्धव ठाकरेंनी जिद्द सोडली नाही. मात्र, मातोश्रीवर जाण्यापूर्वी काही पत्रकारांनी म्हटलं, उद्धव ठाकरेंच्या डोळ्यात पाणी पाहिलं. त्यानंतर आम्ही दुपारी गेलो, तेव्हा उद्धव ठाकरे ते दाखवत होते, मला काही झालं नाही. पण, त्यांच्या डोळ्यातलं पाणी ते लपवू शकले नाहीत. त्यांना मी विचारलही, साहेब तुम्हाला काय झालं, कितीही लपवा मात्र तुमच्या डोळ्यातलं पाणी लपवू शकत नाही.”

हेही वाचा – “शिवसेना आणि बाळासाहेब हवेत, पण…”, उद्धव ठाकरेंची शिंदे गटावर टीका

“बाळासाहेब ज्यावेळी देवाची पूजा करायचे, तेव्हा…”

“तिथेच बाळासाहेबांसोबत काम करणारे रवी म्हात्रेही उद्धव ठाकरेंबरोबर होते. ते म्हणाले, बाळासाहेब ज्यावेळी देवाची पूजा करायचे, तेव्हा ते धनुष्यबाणालही पुजायचे. आज ते धनुष्यबाण चिन्ह गोठवलं, म्हणून आमच्या डोळ्यात पाणी आहे,” असा शिवसैनिकांच्या काळजाला हात घालणारा प्रसंग भास्कर जाधव यांनी सांगितला.