Uddhav Thackeray : “मोदींच्या अशुभ हातांनी उभा केलेला शिवरायांचा पुतळा…”, उद्धव ठाकरेंचा भाजपावर हल्लाबोल

उद्धव ठाकरे काय म्हणाले?

“आपल्याला धोकेबाजीचं राजकारण जाळून भस्म करावं लागेल. महाराष्ट्राचा स्वाभिमान पैशाने विकत घेता येत नाही. कोकणाचं भविष्य तुमच्या हातात आहे. राजन साळवी हे निष्ठावंत शिवसैनिक आहेत. ते तुमच्यासारखे खोके घेऊन सुरतेला पळालेले नाहीत. त्यांच्या घरी धाडी पडल्या. मात्र, ते मागे हटले नाहीत. त्यांना आता मी सांगितलं की लढा कोण आढवं येतं पाहू आणि ते लढत आहेत”, असं म्हणत उद्धव ठाकरे यांनी उदय सामंत यांच्यावर नाव न घेता हल्लाबोल केला.

आणखी वाचा

Raj Thackeray : “एकदा एक कॅमेरावाला बाथरूमपर्यंत…”, राज ठाकरेंनी सांगितली पूर्वीच्या आचारसंहितेच्या काळातील गंमत!

IND vs NZ : ऋषभ पंतच्या वादग्रस्त विकेटवर…

Raj Thackeray : स्वातंत्र्यवीर सावरकरांची नात आहे राज ठाकरेंची बालमैत्रीण, म्हणाले, “आम्ही शिशूवर्गापासून…”

Raj Thackeray : ‘अजित पवारांबरोबर बसणं म्हणजे मला श्वास घेता येईना म्हणणारे …’, राज ठाकरेंची मुख्यमंत्री शिंदेंवर टीका

“शाहरुखने पाकिस्तानला हे-ते दिलं, या सगळ्या थापा…”, ‘किंग खान’च्या वाढदिवशी मराठी अभिनेत्याची पोस्ट; म्हणाले…

Zeeshan Siddique : “मविआने मला शब्द दिला होता आणि उद्धव ठाकरेंनी..”; झिशान सिद्दिकी काय म्हणाले?

Amit Thackeray : “धनुष्यबाण आणि पक्षनाव घेऊन एकनाथ शिंदेंनी चूक केली”, शिवसेनेतील बंडखोरीवरील अमित ठाकरेंची प्रतिक्रिया चर्चेत!

Raj Thackeray : “उद्धव ठाकरे आणि शरद पवारांचे पक्ष फुटले, कारण..”, राज ठाकरेंनी नेमकं काय सांगितलं?

हेही वाचा : “आमच्याकडे शरद पवार नावाचे संत जन्माला आले त्यांनी जातीपातींमध्ये..”, राज ठाकरेंची बोचरी टीका

“तुम्ही छत्रपती शिवाजी महाराजांच्या पुतळ्याची किंमत करता? मग तकडे सिंधुदुर्गमध्ये पंतप्रधान मोदींच्या अशुभ हाताने जो पुतळा उभा केला होता. तो पुतळा कोसळला. त्यात किती पैसे खाल्ले हे पाहिले तर मग तुमची लायकी कळेल. मात्र, आपल्याला फसवलं. पंतप्रधान मोदी आले आणि त्यांच्या हस्ते छत्रपती शिवाजी महाराजांच्या हाताने पुतळ्याचं अनावरण केलं आणि आठ महिन्यांत महाराजांचा पुतळा कोसळला. आठ महिन्यांत महाराजांचा पुतळा कसा कोसळतो? हे महाराष्ट्र सहन करणार नाही. हे मोदींच्या लक्षात आलं आणि मग ते महाराष्ट्रात आले आणि त्यांनी माफी मागितली. पण ती माफी देखील धमकी द्यावी तशी गुर्मीत माफी मागितली. महाराष्ट्र तुम्हाला काय वाटतो? तुमचं पायपुसणं आहे का? महाराष्ट्र तुम्हाला पुसून टाकल्याशिवाय राहणार नाही. हा महाराष्ट्र छत्रपती शिवरायांचा महाराष्ट्र आहे”, असा हल्लाबोल उद्धव ठाकरेंनी पंतप्रधान मोदींवर केला.

“महाराष्ट्रातील प्रत्येक जिल्ह्यात मी छत्रपती शिवाजी महाराजांचं मंदिर बांधल्याशिवाय राहणार नाही. फक्त महाराष्ट्रातच नाही तर सुरतमध्येही छत्रपती शिवाजी महाराजांचं मंदिर बांधल्याशिवाय राहणार नाही. आज काहीजण माझ्यावर बोलताना घरी बसून राहिल्याची टीका करतात. मी घरी बसून सर्वांची घरे तरी सांभाळली, म्हणून राज्यातील जनता मला कुटुंबप्रमुख मानते. मात्र, तुम्ही घर फोडे आहात. शरद पवारांचं घर फोडलं. घरं फोडता आणि राज्य करता”, असं म्हणत उद्धव ठाकरे यांनी भारतीय जनता पक्षावर टीका केली. “मी अडीच वर्ष मुख्यमंत्री असताना तुमचा काय गुन्हा केला होता?”, असा सवालही यावेळी उद्धव ठाकरे यांनी केला.