अप्पर वर्धा धरण सप्तरंगाने उजळले; धरणातून कोसळणाऱ्या पाण्यात आकर्षक रोषणाई

अमरावती जिल्ह्याच्या मोर्शी तालुक्यातील सिंभोरा या गावाजवळ अप्पर वर्धा धरण आहे. अमरावती आणि वर्धा या दोन्ही जिल्ह्यांच्या सीमेवर हे धरण येते. गेल्या काही दिवसांमध्ये धरण क्षेत्रात दमदार पाऊस झाला. त्यामुळे धरणाचे दरवाजे उघडण्यात आले असून पाण्याचा विसर्ग सुरू आहे. जलविद्युत व उपसा सिंचन विभागाकडून धरणांवर विजेचे दिवे लावण्यात येतात. अप्पर वर्धा धरणाचे सौंदर्य खुलून दिसण्यासाठी त्या ठिकाणी आकर्षक विद्युत रोषणाई करण्यात आली आहे.

आणखी वाचा

राज्यात उन्हाच्या झळा वाढल्या, पुढील २४ तासात असे असेल तापमान

Vegetables for Nonvegetarians ‘ही’ भाजी मांसाहार करणाऱ्यांकरता आवश्यक…;…

खडवासला धरण साखळीत पाणीसाठा किती? पुण्याचा पाणीपुरवठा सुरळीत राहणार?

पिंपरी : उन्हाचा चटका वाढला; पवना धरणात किती आहे पाणीसाठा?

दापोली किनारपट्टीवर मत्स्य दुष्काळ सदृश्य परिस्थिती, जोरदार वाऱ्याच्या वेगामुळे मच्छीची करोडो रुपयांची उलाढाल थांबली

कोट्यवधींचा खर्च, तरीही परिस्थिती ‘जैसे थे’च, मेळघाटात यंदाही पाणीटंचाईचे चटके

निसर्गलिपी : वसंतागमनाची चाहूल

कुतूहल : अणुऊर्जा – एक अपरिहार्य पर्याय

गेल्या काही दिवसांपासून याचे काम सुरू होते. नागपूर येथील कंत्राटदार कंपनी मेसर्स न्यू टेकचे प्रदीप देशमुख, राजू भोयर व प्रफुल्ल मोहोड यांनी हे काम पूर्ण केले. रविवारी सायंकाळपासून ही रोषणाई सुरू करण्यात आली. धरणातून निघणारे पाणी सप्तरंगाने झळाळून निघाले. रंगीत पाण्याचा कोसळणारा प्रवाह मंत्रमुग्ध करणारा ठरत आहे. हे दृष्य मनमोहक असल्याची भावना व्यक्त होत आहे. नेहमीप्रमाणे मूळ अंदाजपत्रकानुसार हे कार्य करण्यात आले असून त्यासाठी कुठला अतिरिक्त खर्च लागला नसल्याचे कार्यकारी अभियंता अजित सोळंके यांनी सांगितले.