सोलापूर : राज्यात गुइलेन बॅरे सिंड्रोमची (जीबीएस) लागण झालेल्या रुग्णांची संख्या वाढत असताना, याची लागण झालेल्या सोलापुरातील एका रुग्णाचा मृत्यू झाला. मृत्यूचे नेमके अंतिम कारण वैद्यकीय अहवालानंतर स्पष्ट होणार असले, तरी रुग्णाला जीबीएसची लागण झाल्याचे निदान ११ जानेवारीला झाले होते, त्यामुळे हा जीबीएसचा पहिला मृत्यू ठरण्याची शक्यता आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
मृत सनदी लेखापाल मूळचा सोलापूरचा असून तो पुण्यात धायरी परिसरातील एका कंपनीत नोकरी करीत होता. मिळालेल्या माहितीनुसार गेल्या ११ जानेवारी रोजी त्यास गुइलेन गुइलेन बॅरे सिंड्रोमच्या (जीबीएस) आजाराची लागण झाल्याचे निदान झाले होते. त्यास उलट्यांचा त्रास वाढला होता. त्याने पुण्याऐवजी स्वतःच्या गावी, सोलापुरात येऊन वैद्यकीय उपचार घेणे पसंत केले. त्यास एका खासगी रूग्णालयात उपचार सुरू असताना प्रकृती आणखी बिघडली. त्यामुळे त्यास पाच दिवस अतिदक्षता विभागात हलविण्यात आले होते. प्रकृती सुधारल्यानंतर त्याला अतिदक्षता विभागातून बाहेर काढण्यात आले होते. परंतु पुन्हा प्रकृती बिघडली आणि अखेर त्याचा मृत्यू झाला. त्याच्या पश्चात आई, पत्नी, दोन मुले, भाऊ असा परिवार आहे. दरम्यान, रविवारी दुपारी छत्रपती शिवाजी महाराज सर्वोपचार शासकीय रुग्णालयात मृतदेह न्यायवैद्यक तपासणीसाठी हलविण्यात आला असता मृतदेहाची चार तज्ज्ञ डॉक्टरांच्या पथकाने न्यायवैद्यक तपासणी केली. यात रुग्णाचा मृत्यू ‘जीबीएस’मुळे झाल्याचे प्राथमिक निष्कर्ष काढण्यात आला. रासायनिक पृथ:करण अहवाल पंधरा दिवसांनी प्राप्त होणार असून त्यावेळी मृत्यूचे अंतिम कारण स्पष्ट होणार आहे.
‘जीबीएस’मुळे मृत्यू; प्राथमिक निष्कर्ष
संबंधित रुग्णाला एका सहकारी रुग्णालयात वैद्यकीय उपचार सुरू असताना अखेर मृत्यू झाल्यानंतर मृतदेहाची छत्रपती शिवाजी महाराज सर्वोपचार शासकीय रुग्णालयात न्यायवैद्यक तपासणी केली असता तसेच संबंधित रुग्णालयाकडून मृत रुग्णावर केलेल्या वैद्यकीय उपचाराची कागदपत्रे पाहता ‘गुइलेन बॅरे सिंड्रोम’च्या (जीबीएस) आजाराने रुग्णाचा मृत्यू झाल्याचे प्राथमिक कारण समोर आले आहे. रासायनिक पृथ:करण्याचा अहवाल पंधरा दिवसांनी आल्यानंतर मृत्यूचे अंतिम कारण समजू शकेल. – डॉ. संजीव ठाकूर, अधिष्ठाता, डॉ. वैशंपायन स्मृती शासकीय वैद्यकीय महाविद्यालय, सोलापूर
मृत सनदी लेखापाल मूळचा सोलापूरचा असून तो पुण्यात धायरी परिसरातील एका कंपनीत नोकरी करीत होता. मिळालेल्या माहितीनुसार गेल्या ११ जानेवारी रोजी त्यास गुइलेन गुइलेन बॅरे सिंड्रोमच्या (जीबीएस) आजाराची लागण झाल्याचे निदान झाले होते. त्यास उलट्यांचा त्रास वाढला होता. त्याने पुण्याऐवजी स्वतःच्या गावी, सोलापुरात येऊन वैद्यकीय उपचार घेणे पसंत केले. त्यास एका खासगी रूग्णालयात उपचार सुरू असताना प्रकृती आणखी बिघडली. त्यामुळे त्यास पाच दिवस अतिदक्षता विभागात हलविण्यात आले होते. प्रकृती सुधारल्यानंतर त्याला अतिदक्षता विभागातून बाहेर काढण्यात आले होते. परंतु पुन्हा प्रकृती बिघडली आणि अखेर त्याचा मृत्यू झाला. त्याच्या पश्चात आई, पत्नी, दोन मुले, भाऊ असा परिवार आहे. दरम्यान, रविवारी दुपारी छत्रपती शिवाजी महाराज सर्वोपचार शासकीय रुग्णालयात मृतदेह न्यायवैद्यक तपासणीसाठी हलविण्यात आला असता मृतदेहाची चार तज्ज्ञ डॉक्टरांच्या पथकाने न्यायवैद्यक तपासणी केली. यात रुग्णाचा मृत्यू ‘जीबीएस’मुळे झाल्याचे प्राथमिक निष्कर्ष काढण्यात आला. रासायनिक पृथ:करण अहवाल पंधरा दिवसांनी प्राप्त होणार असून त्यावेळी मृत्यूचे अंतिम कारण स्पष्ट होणार आहे.
‘जीबीएस’मुळे मृत्यू; प्राथमिक निष्कर्ष
संबंधित रुग्णाला एका सहकारी रुग्णालयात वैद्यकीय उपचार सुरू असताना अखेर मृत्यू झाल्यानंतर मृतदेहाची छत्रपती शिवाजी महाराज सर्वोपचार शासकीय रुग्णालयात न्यायवैद्यक तपासणी केली असता तसेच संबंधित रुग्णालयाकडून मृत रुग्णावर केलेल्या वैद्यकीय उपचाराची कागदपत्रे पाहता ‘गुइलेन बॅरे सिंड्रोम’च्या (जीबीएस) आजाराने रुग्णाचा मृत्यू झाल्याचे प्राथमिक कारण समोर आले आहे. रासायनिक पृथ:करण्याचा अहवाल पंधरा दिवसांनी आल्यानंतर मृत्यूचे अंतिम कारण समजू शकेल. – डॉ. संजीव ठाकूर, अधिष्ठाता, डॉ. वैशंपायन स्मृती शासकीय वैद्यकीय महाविद्यालय, सोलापूर
