“३१ डिसेंबरपर्यंत निर्णय घ्या”; सुप्रीम कोर्टाच्या निर्देशांवर राहुल नार्वेकरांची पहिली प्रतिक्रिया, म्हणाले, “तो केवळ तोंडी…”

याप्रकरणी दोन्ही पक्षांनी सर्वोच्च न्यायालयात दाखल केलेल्या याचिकेवर आज (३० ऑक्टोबर) सुनावणी झाली. सरन्यायाधीश धनंजय चंद्रचूड यांच्या अध्यक्षतेखालील खंडपीठाने यावर सुनावणी घेतली. सर्वोच्च न्यायालयात झालेल्या सुनावणीवेळी सरन्यायाधीशांनी विधानसभेच्या अध्यक्षांना शिवसेनेच्या आमदार अपात्रतेचा निर्णय ३१ डिसेंबरपूर्वी आणि राष्ट्रवादी काँग्रेसच्या आमदार अपात्रतेचा निर्णय ३१ जानेवारीआधी घ्या, असे निर्देश दिले आहेत. दरम्यान, आमदार अपात्रतेप्रकरणी होणाऱ्या दिरंगाईबद्दल सरन्यायाधीशांनी नाराजी व्यक्त केली. तसेच सरन्यायाधीश धनंजय चंद्रचूड म्हणाले, विधानसभा अध्यक्ष एवढा वेळ लावणार असतील तर आम्हाला आमदारांच्या पात्रता किंवा अपात्रतेचा निर्णय घ्यावा लागेल. अशी वेळ आमच्यावर येऊ देऊ नका.

आणखी वाचा

पहिला मंत्रीमंडळ विस्तार कधी होणार? अजित पवारांचं मोठं विधान, म्हणाले…

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

अन्वयार्थ : ‘सांविधानिक भावना दुखावण्या’पल्याड…

Ujjwal Nikam On EVM : “आज तुम्ही पराभूत झाल्यामुळे…” उज्ज्वल निकमांनी सांगितले ईव्हीएम विरोधात न्यायालयीन लढ्यासाठी कोणत्या दहा गोष्टी लागणार

Parliament : संसदेत उफाळून आलेला विधेयकांच्या नावांचा वाद काय? विरोधी पक्षांनी नेमकं काय म्हटलं आहे?

मोदी-अदाणीविरोधात काँग्रेस आक्रमक; राहुल गांधींच्या अनोख्य आंदोलनाने वेधले लक्ष

Devendra Fadnavis : “राहुल नार्वेकर पुन्हा येईन म्हणाले नव्हते तरीही पुन्हा आले..”, देवेंद्र फडणवीस यांचं खुमासदार भाषण

Rahul Narwekar : नार्वेकर यांची विधानसभा अध्यक्षपदी फेरनिवड; मंत्रीपदाचे स्वप्न भंगले

हेही वाचा- अपात्रतेनंतर विधानपरिषदेतूनही एकनाथ शिंदेंना मुख्यमंत्री राहता येणार नाही; कायदेतज्ज्ञ असीम सरोदेंनी सांगितला नियम

सर्वोच्च न्यायालयाच्या या निर्देशानंतर विधानसभा अध्यक्ष राहुल नार्वेकर यांनी प्रतिक्रिया दिली आहे. सर्वोच्च न्यायालयात झालेल्या सुनावणीबाबत अद्याप माझ्याकडे कोणतीही आदेशाची प्रत प्राप्त झाली नाही. त्यामुळे संबंधित आदेशात नेमकं काय म्हटलं आहे? हे बघितल्याशिवाय मी या संदर्भात काहीही बोलू शकणार नाही, अशी प्रतिक्रिया राहुल नार्वेकरांनी दिली आहे. ते प्रसारमाध्यमांशी बोलत होते.

हेही वाचा- “अध्यक्षांनी अपात्रतेबाबत चुकीचा निर्णय दिला, तर…”, कायदेतज्ज्ञ असीम सरोदेंचं मोठं वक्तव्य

३१ डिसेंबरपर्यंत निर्णय घेण्याच्या कालमर्यादेबाबत विचारलं असता राहुल नार्वेकर पुढे म्हणाले, “वेळमर्यादेबाबत तोंडी युक्तिवाद करण्यात आला आहे. त्यामुळे आदेशात नेमकं काय लिहिलंय, ते बघितल्याशिवाय मी काहीही बोलू शकत नाही, आदेशाची प्रत बघितल्यानंतरच मी यावर बोलेल.”