शरद पवारांबाबत संभ्रम, काँग्रेस आणि ठाकरे गट एकत्र निवडणूक लढणार? विजय वडेट्टीवार म्हणाले…

विजय वडेट्टीवार म्हणाले, अशा भेटीगाठी (शरद पवार आणि अजित पवारांची भेट) होत असतात. राजकारणापलिकडे आपली नाती असतात, त्यामुळे ते भेटले असतील. त्या भेटीचा वेगळा अर्थ लावून ते आमच्याबरोबर नाहीत असं म्हणणं सध्या चुकीचं आहे. ठीक आहे, सध्या संभ्रमाचं वातावरण आहे, परंतु, हा संभ्रम ते (शरद पवार) दूर करतील. राहिला विषय काँग्रेस आणि ठाकरे गटाने एकत्र लढण्याचा, तर महाविकास आघाडी म्हणून एकत्र लढण्याचा आमचा निर्धार पूर्वीपासून आहे.

हे ही वाचा >> “नवाब मलिक अजित पवारांच्या गटात…” राष्ट्रवादी काँग्रेसच्या नेत्याचं मोठं वक्तव्य

काँग्रेस नेते विजय वडेट्टीवार म्हणाले, शरद पवार यांची भूमिका स्पष्ट झाल्यानंतर आम्ही एकत्रच असू. मुळात त्यांनी त्यांची भूमिका आधीही स्पष्ट केली आहे. त्यामुळे कोणीही संभ्रमाचं वातावरण निर्माण करू नये. राष्ट्रवादी काँग्रेस आणि आम्ही समविचारी आहोत. तसेच शिवसेनेचा ठाकरे गट आमच्याबरोबर आहे. ही महाविकास आघाडीची मोट आम्ही पूर्वीच बांधली आहे. माणसं जातात, नेते पक्ष सोडून जातात, परंतु, जनता जात नाही. जनता तिथेच असते. असा संभ्रमाचा विचार करणं आत्ता योग्य नाही. केवळ आम्ही आणि ठाकरे गटाने एकत्र लढण्याची कुठलीही चर्चा सध्या झालेली नाही.