Vijay Wadettiwar : “भ्रष्टाचार रोखल्यास बदलीची शिक्षा, महायुतीचा प्रामाणिक अधिकाऱ्यांना इशारा”, ‘त्या’ बदलीवरून विरोधक आक्रमक

वडेट्टीवार यांनी याबाबत एक्स या मायक्रोब्लॉगिंग प्लॅटफॉर्मवर एक पोस्ट केली आहे. या पोस्टमध्ये त्यांनी म्हटलं आहे की महायुती सरकारचा प्रामाणिक अधिकाऱ्यांना इशारा… भ्रष्टाचार रोखला तर बदलीची शिक्षा मिळेल! भ्रष्टाचाराला विरोध करणाऱ्या सनदी अधिकाऱ्यांना बदलीची शिक्षा… भ्रष्ट महायुतीच्या भ्रष्ट कार्यपद्धतीचा प्रामाणिक अधिकाऱ्यांना फटका… कृषी विभागातील भ्रष्टाचाराला विरोध करणाऱ्या प्रधान सचिव व्ही. राधा यांची भ्रष्ट महायुती सरकारने बदली केली आहे. भ्रष्टाचार रोखला तर बदलीची शिक्षा मिळेल, असा स्पष्ट संदेश त्यांनी या बदलीतून महायुतीने दिला आहे.

आणखी वाचा

“गद्दारांनी गुवाहाटीचा डोंगर बघितला, आता त्यांना टकमक टोक दाखवायचंय”, उद्धव ठाकरेंची शहाजीबापू पाटलांवर घणाघाती टीका!

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

मविआ म्हणजे विकास विरोधी आघाडी, गृहमंत्री अमित शहांचे टीकास्त्र; लाडक्या बहिणींना २१०० रुपये देणार

‘चिखलदरा स्‍कायवॉकचे काम महाविकास आघाडीने थांबविले’, उपमुख्‍यमंत्री देवेंद्र फडणीसांचा आरोप

Ashok Pawar: आमदार अशोक पवार यांच्या मुलाचे अपहरण करून दहा कोटींची खंडणी, अश्लील चित्रफीत प्रसारित करण्याची धमकी

“काँग्रेसच्या सत्तेतील राज्य शाही परिवाराचे ‘एटीएम’, मद्यविक्रेत्यांकडून ७०० कोटी रुपयांची वसुली,” पंतप्रधान नरेंद्र मोदींचा घणाघात

पुन्हा ‘३७० कलम’ राहुल गांधींना आता कायमचे अशक्य- अमित शहा यांचे काँग्रेसवर टीकास्र

‘भाजपने महाराष्ट्र लुटण्यासाठीच मविआ सरकार पाडले’, उद्धव ठाकरेंचा आरोप

वडेट्टीवार म्हणाले, प्रामाणिक अधिकाऱ्यांचे मनोबल खच्ची करण्याची या सरकारची कार्यपद्धती जुनीच आहे. कृषी विभागातील भ्रष्टाचाराला आळा घालून शेतकऱ्यांचं भलं करण्याची या सरकारची मानसिकता नाही. शेतकरी विरोधी सरकार असल्यानेच महायुतीचा कृषी विभाग भ्रष्टाचाराच्या गर्तेत अडकला आहे. नॅनो युरिया व नॅनो डीएपी वाटपाच्या १,४०० कोटी रुपयांच्या प्रस्तावावर राधा यांनी आक्षेप नोंदवला होता. खतांच्या खरेदीसाठी ‘पीएम प्रणाम’ योजनेतंर्गत मिळणारे अनुदान हे २५० कोटींपेक्षा जास्त मिळणार नसल्याने ही योजना तूर्तास राबवली जाऊ नये, असं मत राधा यांनी व्यक्त केलं होतं.

हे ही वाचा >> Sanjay Raut : “अनिल देशमुख आणि मी जेलमध्ये खिमा पाव बनवायचो”, राऊतांनी सांगितली तुरुंगातील दिनचर्या; कसाबच्या वस्तू पाहून म्हणाले…

कृषीमंत्र्यांच्या जिल्ह्यातच सर्वाधिक आत्महत्या : वडेट्टीवार

वडेट्टीवार म्हणाले, शेतकरी सन्मान योजनेच्या निधीचा एक हप्ता वळवण्यासही विरोध होता. या योजनेतील १,४०० कोटी वळवण्याला त्यांनी विरोध केला. तरी मंत्री कार्यालयाचा निधी वळवण्याचा अट्टाहास होताच. राधा यांनी निविदा खरेदीच्या प्रस्तावाचा दुसरा टप्पाही रोखला होता. फवारणी पंपाच्या खरेदीवर अनेक आक्षेप घेतले होते. यात अनियमितता असून चौकशी करण्याची आवश्यकता असल्याचा शेरा राधा यांनी संबंधित फाईलवर मारल्याची माहिती समोर आली आहे. त्यामुळे महायुती सरकारने व्ही. राधा यांची बदली केली आहे. कृषिमंत्र्यांच्या जिल्ह्यात सर्वाधिक आत्महत्या होत आहेत. हे दुर्दैव असून कृषी खात्यातील वाढलेला भ्रष्टाचार राज्याला डबघाईला आणणारा आहे.