Vijay Wadettiwar on Guardian Ministers Appointment Postponement : महिनाभर रखडलेल्या पालकमंत्र्यांची यादी १८ जानेवारी रोजी रात्री उशिरा जाहीर करण्यात आली. नव्या पालकमंत्र्यांच्या यादीत अनेकांना सहपालकमंत्रीपदही मिळालं आहे. तर, काही जिल्ह्यांमध्ये स्थानिक मंत्र्यांना संधी देण्यात आलेली नाही. तसेच, काही मंत्र्यांना पालकमंत्रिपद मिळालेलं नाही. राज्याचे शालेय शिक्षणमंत्री व शिंदे गटाचे नेते दादा भुसे, रोजगार हमी तथा फलोत्पादन मंत्री भरत गोगावले यांना पालकमंत्रिपद न मिळाल्यामुळे त्यांच्यावर अन्याय झाल्याची भावना पाणीपुरवठा मंत्री गुलाबराव पाटील यांनी रविवारी (१९ जानेवारी) जळगाव येथे व्यक्त केली होती. तसेच या दोन्ही नेत्यांच्या कार्यकर्त्यांनी संतप्त प्रतिक्रिया दिल्या आहेत. दरम्यान, या गोंधळात आता नवा ट्विस्ट आला आहे. राज्य सरकारच्या सामान्य प्रशासन विभागाने नाशिक व रायगडच्या पालकमंत्रिपदाच्या नियुक्तीला स्थगिती दिली आहे. १९ जानेवारी रोजी रात्री उशिरा पत्रक जारी करून हा निर्णय घेण्यात आला. आदिती तटकरे यांना रायगडचं तर गिरीश महाजन यांना नाशिकचं पालकमंत्रिपद देण्यात आलं होतं. मात्र, रायगडचं पालकमंत्रिपद मिळावं यासाठी भरत गोगावले तर, नाशिकच्या पालकमंत्रिपदासाठी दादा भुसे आग्रही होते.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
