Vishal Patil : “उद्धव ठाकरे हे आम्हाला वडिलांसमान, सांगलीत जे झालं…”; दिल्लीतील भेटीनंतर नेमकं काय म्हणाले विशाल पाटील?

उद्धव ठाकरे हे सध्या तीन दिवसीय दिल्ली दौऱ्यावर असून ते आज काँग्रेस नेत्यांच्या भेटी घेणार आहेत. तत्पूर्वी अपक्ष खासदार विशाल पाटील आणि विश्वजित कदम यांनी उद्धव ठाकरे यांची भेट घेतली आहे. या भेटीनंतर त्यांनी टीव्ही ९ वृत्तवाहिनीशी संवादही साधला. यावेळी बोलताना विशाल पाटील यांनी जे झालं ते विसरून आम्हाला पुढे जायचं आहे. आम्ही आगामी विधानसभा निडणुकीवर लक्ष केंद्रीत करत आहोत, अशी प्रतिक्रिया दिली.

आणखी वाचा

Uddhav Thackeray: “पंकजाताई मुंडे तुझे धन्यवाद…”, उद्धव ठाकरेंनी केलं कौतुक; म्हणाले, ‘तुम्ही महाराष्ट्राच्या डोळ्यावरची पट्टी काढली’

Nana Patole : निकालाआधी राजकीय घडामोडींना वेग; यातच…

Uddhav Thackeray : “राज ठाकरेंशी युती करणं शक्यच नाही, महाराष्ट्र द्रोही..”, उद्धव ठाकरेंचं वक्तव्य

काँग्रेसबरोबर युती करण्यावरून राज ठाकरेंची पुन्हा उद्धव ठाकरेंवर सडकून टीका; म्हणाले, “मी, माझा स्वार्थ, माझी खुर्ची अन्…”

“उद्धव ठाकरेंच्या हातून पैसा सुटत नाही, बॅगेत काय असणार?” राज ठाकरेंची खोचक टीका!

Uddhav Thackeray : “…तर मविआचे कार्यकर्ते फडणवीस, अजित पवारांच्या बॅगा तपासतील”, निवडणूक अधिकाऱ्यांनी बॅगेची तपासणी केल्यानंतर उद्धव ठाकरेंचा इशारा

Raj Thackeray : ‘सत्तेत जायचा फॉर्म्युला काय?’ राज ठाकरे म्हणाले, “या निवडणुकीत..”

Uddhav Thackeray : उद्धव ठाकरेंचं जय शाह यांना खुलं आव्हान; म्हणाले, “गावातील कोणत्याही तरुणाबरोबर क्रिकेट खेळून दाखवावं, मग…”

हेही वाचा – Uddhav Thackeray on Vishal Patil: “जर विशाल पाटील खात्री देणार असतील की…”, उद्धव ठाकरेंचं सांगली निवडणुकीबाबत मोठं विधान; म्हणाले, “जे झालं ते…”!

नेमकं काय म्हणाले विशाल पाटील?

“आम्ही उद्धव ठाकरे यांनी भेटण्यासाठी वेळ मागितली होती. त्यानुसार काल संजय राऊत यांचा फोन आला आणि त्यांनी आम्हाला भेटण्याची वेळ दिली. त्यावेळी उद्धव ठाकरे यांनी आमचं स्वागत केलं आणि त्यांनी आम्हाला आशीर्वाद दिला. मुळात जे झालं ते विसरून आम्हाला पुढे जायचं आहे. आगामी विधानसभा निडणुकीवर आम्ही लक्ष केंद्रीत केलं आहे. दिल्लीतून भाजपाला हद्दपार करण्यासाठी आम्ही प्रयत्न केले. यात आम्हाला थोडं फार यशही मिळालं. मात्र, आता महाराष्ट्रातून भाजपाला हद्दपार करायचं आहे. त्यासाठी आम्ही एकजुटीने लढणार आहोत. आता आमच्यात कुठेही कटुता नाही”, असं विशाल पाटील म्हणाले.

“जे काही घडलं ते परिस्थितीमुळे घडलं”

“सांगलीची लढाई ही माझ्यासाठी अस्तित्त्वाची लढाई होती. हे मी अनेकदा सांगितले आहे. उद्धव ठाकरे यांनी मनाचा मोठेपणा दाखवून आमचं स्वागत केलं आहे. ते आम्हाला आमच्या वडिलांसमान आहेत. सांगलीत जे झालं त्याचं त्यांना निश्चितच शल्य किंवा खंत असेल. पण जे काही घडलं ते परिस्थितीमुळे घडलं. याचीही त्यांना जाणीव झाली असेल”, असेही ते म्हणाले.